തിരുവനന്തപുരം: കൊല്ലം ചവറയിലെ കേരള മിനറല്സ് ആന്റ് മെറ്റല്സ് ലിമിറ്റഡിന് സമീപം ടി.എസ്. കനാലിനു കുറുകെയുള്ള ഇരുമ്പു നടപ്പാലം തകര്ന്ന് കമ്പനി ജീവനക്കാരായ മൂന്നുപേര് മരിച്ച സംഭവത്തെക്കുറിച്ച് സത്വര അന്വേഷണം നടത്തി റിപ്പോര്ട്ട് സമര്പ്പിക്കാന് വ്യവസായ വകുപ്പ് അഡീഷണല് ചീഫ് സെക്രട്ടറി പോള് ആന്റണിയ്ക്ക് മന്ത്രി എ.സി. മൊയ്തീന് നിര്ദേശം നല്കി.
അപകടം സംഭവിച്ച പാലം കമ്പനിചെലവില് പുതുക്കിപ്പണിയാന് അധികൃതരോട് ആവശ്യപ്പെട്ടു. മരിച്ചവരുടെ ആശ്രിതര്ക്ക് നിയമനം നല്കുന്നതുള്പ്പെടെയുള്ള ആശ്വാസ നടപടികള് സര്ക്കാര് പ്രത്യേകമായി പരിഗണിക്കും. അപകടത്തില് പരിക്കേറ്റവര്ക്ക് ആവശ്യമായ ചികിത്സാ ധനസഹായം നല്കുന്നതും പരിഗണിക്കുമെന്ന് മന്ത്രി അറിയിച്ചു.
Discussion about this post