തിരുവനന്തപുരം: ഉദയകുമാര്‍ ഉരുട്ടിക്കൊലക്കേസില്‍ പ്രതികളായ ആറു പോലീസുകാരും കുറ്റക്കാരാണെന്ന് തിരുവനന്തപുരം സിബിഐ പ്രത്യേക കോടതി കണ്ടെത്തി. പോലീസുകാരായ ജിതകുമാര്‍, ശ്രീകുമാര്‍, സോമന്‍, എസ്‌ഐ ടി.അജിത്കുമാര്‍, സിഐ ഇ.കെ.സാബു, എസി ടി.കെ.ഹരിദാസ് എന്നിവരായിരുന്നു പ്രതികള്‍. ശിക്ഷാ പ്രഖ്യാപനം പിന്നീട്. കേസിലെ ഒന്നും രണ്ടും മൂന്നും പ്രതികള്‍ കൊലപാതകത്തില്‍ നേരിട്ട് പങ്കുള്ളവരാണ്. ഇവര്‍ക്കെതിരേ കൊലക്കുറ്റം ചുമത്തും. നാലു മുതല്‍ ആറുവരെയുള്ള പ്രതികള്‍ക്കെതിരേ ഗൂഢാലോചനക്കുറ്റവും ചുമത്തുമെന്നും കോടതി അറിയിച്ചു. കേസിലെ മൂന്നാം പ്രതി സോമന്‍ വിചാരണവേളയില്‍ മരണമടഞ്ഞിരുന്നു. 2005 സെപ്റ്റംബര്‍ 27 ന് ഉച്ചയ്ക്ക് 1.30 നാണ് ശ്രീകണ്‌ഠേശ്വരം പാര്‍ക്കില്‍ നിന്ന് ഇ.കെ.സാബുവിന്റെ നേതൃത്വത്തിലുള്ള പോലീസ് സംഘം ഉദയകുമാറിനെ കസ്റ്റഡിയിലെടുത്തത്. ഇതിനുശേഷം ഫോര്‍ട്ട് പോലീസ് സ്റ്റേഷനില്‍ ഉദയകുമാറിനെ ഉരുട്ടിക്കൊലപ്പെടുത്തുകയായിരുന്നു എന്നാണു സിബിഐ കേസ്.
ഉദയകുമാര്‍ ഉരുട്ടിക്കൊലക്കേസ്: പോലീസുകാരും കുറ്റക്കാരാണെന്ന് സിബിഐ പ്രത്യേക കോടതി
പുതിയ വാർത്തകൾ
Discussion about this post