തിരുവനന്തപുരം: ഭക്തര്ക്ക് ശബരിമലയില് പോകാനായി ഗതാഗത സൗകര്യം ഒരുക്കുന്നതിനുള്ള നടപടികള് ഉടന് ആരംഭിക്കുമെന്ന് ദേവസ്വം ബോര്ഡ് പ്രസിഡന്റ് എ. പദ്മകുമാര് പറഞ്ഞു. സൈന്യത്തിന്റെ സഹായത്തോടെമൂന്ന് ബെയ്ലി പാലങ്ങള്നിര്മിക്കാനാണ് ഉദ്ദേശിക്കുന്നതെന്നും അദ്ദേഹം പറഞ്ഞു. അടുത്ത മാസത്തോടെ തീര്ഥാടകരെ പ്രവേശിപ്പിക്കാനുള്ള സൗകര്യമൊരുക്കും. പ്രളയക്കെടുതി മൂലമുണ്ടായ നഷ്ടങ്ങള് ചര്ച്ചചെയ്യാനായി മുഖ്യമന്ത്രി വിളിച്ച യോഗത്തില് പങ്കെടുത്തതിനുശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
പമ്പയില് ഇതുവരെയുണ്ടായിരുന്ന അനധികൃത നിര്മിതികള് പ്രളയത്തില് നശിച്ചിട്ടുണ്ട്. ഇനി അനധികൃതമായി നിര്മാണ പ്രവര്ത്തനങ്ങള് അനുവദിക്കില്ല. അനാവശ്യമായ സ്ഥിരം നിര്മാണങ്ങള് പമ്പയില് ഇനി ഉണ്ടാവരുതെന്നും തീരുമാനമായി. പമ്പയില് നൂറു കോടിയോളം രൂപയുടെ നഷ്ടമാണുണ്ടായത്. പെരിനാട് – ചാലക്കയം മേഖലയില് ആറു സ്ഥലങ്ങളിലും ചാലക്കയം-പമ്പ മേഖലയില് രണ്ടിടങ്ങളിലും റോഡ് ഇടിഞ്ഞിട്ടുണ്ട്. അടിയന്തര പ്രാധാന്യമുള്ള പ്രവൃത്തികള് പതിനഞ്ച് ദിവസത്തിനുള്ളില് പൂര്ത്തീകരിക്കും. അടിയന്തരമായി നിര്മാണ പ്രവര്ത്തനങ്ങള് പൂര്ത്തീകരിക്കുന്നതിന് സീനിയര് ഐഎഎസ് ഓഫീസറെ ചുമതലപ്പെടുത്താന് തീരുമാനിച്ചതായും അദ്ദേഹം പറഞ്ഞു. നവംബര് 15ഓടെ ശബരിമലയിലെ മുഴുവന് നിര്മാണ പ്രവര്ത്തനങ്ങളും പൂര്ത്തീകരിക്കാനാണ് ലക്ഷ്യമെന്നും അദ്ദേഹം പറഞ്ഞു.
ദേവസ്വം മന്ത്രി കടകംപള്ളി സുരേന്ദ്രനും യോഗത്തില് പങ്കെടുത്തു.
Discussion about this post