കോട്ടയം: കന്യാസ്ത്രീയെ പീഡിപ്പിച്ചെന്ന കേസില് അറസ്റ്റിലായ ബിഷപ് ഫ്രാങ്കോ മുളയ്ക്കലിന്റെ ജാമ്യാപേക്ഷ കോടതി തള്ളി. ബിഷപ്പിനെ രണ്ടു ദിവസത്തേക്ക് പൊലീസ് കസ്റ്റഡിയില് വിട്ടുകൊണ്ട് പാലാ മജിസ്ട്രേറ്റ് കോടതി ഉത്തരവിട്ടു.
രക്തസാംപിളും ഉമിനീര് സാംപിളും പൊലീസ് ബലമായി ശേഖരിച്ചെന്ന് അപേക്ഷയില് ആരോപിച്ച ബിഷപ് കസ്റ്റഡിയില് നല്കുന്നതിനെ ശക്തമായി എതിര്ത്തിരുന്നു. ഇന്നുച്ചയ്ക്ക് 2.30 മുതല് 24ന് ഉച്ചയ്ക്ക് 2.30 വരെയാണ് കസ്റ്റഡി കാലാവധി.
ഇന്നലെ നെഞ്ചു വേദന അനുഭവപ്പെട്ടതിനെ തുടര്ന്ന് ബിഷപ്പിനെ മെഡിക്കല് കോളജ് ആശുപത്രിയില് പ്രവേശിപ്പിച്ച് വിദഗ്ധ പരിശോധനയ്ക്കു വിധേയമാക്കിയിരുന്നു. പരിശോധനകള്ക്കു ശേഷം ബിഷപ്പിന് ആരോഗ്യപ്രശ്നങ്ങളില്ലെന്നു ഡോക്ടര്മാര് അറിയിച്ചതിനെ തുടര്ന്ന് രാവിലെ ഡിസ്ചാര്ജ് ചെയ്യുകയായിരുന്നു.
Discussion about this post