ന്യൂഡല്‍ഹി: മധ്യപ്രദേശ്, രാജസ്ഥാന്‍, ഛത്തീസ്ഗഡ്, മിസോറാം, തെലുങ്കാന എന്നീ സംസ്ഥാനങ്ങളിലെ നിയമസഭാ തെരഞ്ഞെടുപ്പിനുള്ള തീയതികള്‍ തെരഞ്ഞെടുപ്പ് കമ്മീഷന്‍ പ്രഖ്യാപിച്ചു. മുഖ്യതെരഞ്ഞെടുപ്പ് കമ്മീഷണര്‍ ഒ.പി.റാവത്താണ് തീയതികള്‍ പ്രഖ്യാപിച്ചത്. അഞ്ച് സംസ്ഥാനങ്ങളിലും പെരുമാറ്റച്ചട്ടം നിലവില്‍ വന്നതായി തെരഞ്ഞെടുപ്പ് കമ്മീഷന്‍ അറിയിച്ചു. ഛത്തീസ്ഗഡില്‍ രണ്ട് ഘട്ടങ്ങളിലായാണ് വോട്ടെടുപ്പ് നടക്കുക.
ഛത്തീസ്ഗഡില്‍ ആദ്യ ഘട്ടവോട്ടെടുപ്പ് നവംബര്‍ 12ന് നടക്കും. നവംബര്‍ 20നാണ് രണ്ടാം ഘട്ടവോട്ടെടുപ്പ്. ആദ്യഘട്ടത്തില്‍ 18 മണ്ഡലങ്ങളിലും രണ്ടാം ഘട്ടത്തില്‍ 72 മണ്ഡലങ്ങളിലുമാണ് വോട്ടെടുപ്പ് നടക്കുക. മധ്യപ്രദേശിലും മിസോറാമിലും നവംബര്‍ 28നും ഡിസംബര്‍ ഏഴിന് രാജസ്ഥാനിലും തെലുങ്കാനയിലും വോട്ടെടുപ്പ് നടക്കും. ഡിസംബര്‍ 11നാണ് ഫലപ്രഖ്യാപനം.
Discussion about this post