തിരുവനന്തപുരം: ഭാരതീയ ബ്രാഹ്മണസഭയുടെ വാര്ഷിക സമ്മേളനം തിരുവനന്തപുരം, ജിപിഒ ലെയ്നിലെ ഭാരതീയ വിചാരകേന്ദ്രം സംസ്കൃതി ഭവനില് ദേവസ്വംമന്ത്രി കടകംപള്ളി സുരേന്ദ്രന് ഭദ്രദീപം തെളിച്ച് ഉദ്ഘാടനം നിര്വഹിച്ചു.
എല്ലാക്ഷേത്ര ജീവനക്കാര്ക്കും തൊഴില് സ്ഥിരത ഉറപ്പുവരുത്തും. തൊഴില് നിയമത്തിന്റെ പരിധിയില് ഉള്പ്പെടുത്തുന്നതു കൂടാതെ മറ്റുജീവനക്കാര്ക്ക് ഉള്ളതുപോലെ ഏകീകൃത സേവനവ്യവസ്ഥകളില് ഉള്പ്പെടുത്തുവാനുള്ള നടപടി സ്വീകരിക്കുമെന്നും ദേവസ്വം മന്ത്രി പറഞ്ഞു. സ്വകാര്യ ക്ഷേത്രജീവനക്കാര്ക്ക് ക്ഷേമനിധി ഏര്പ്പെടുത്തകാര്യവും സര്ക്കാരിന്റെ പരിഗണനയിലുണ്ട് കൂടാതെ അപകട ഇന്ഷുറന്സ് പദ്ധതിയും നടപ്പിലാക്കും. അഗ്രഹാരങ്ങളുടെ പുനരുദ്ധാരണത്തിനായി മുന്നോക്കവികസന കോര്പ്പറേഷനുമായി സഹകരിച്ചുകൊണ്ട് സര്ക്കാര് ‘സമുന്നതി പദ്ധതി’ നടപ്പാക്കിവരികയാണെന്നും മന്ത്രി പറഞ്ഞു.
ഭാരതീയ ബ്രഹ്മണസഭ ദേശീയ അദ്ധ്യക്ഷന് നന്ദകിഷോര്ജി അദ്ധ്യക്ഷതവഹിച്ച സമ്മേളനത്തില് ചേങ്കോട്ടുകോണം ശ്രീരാമദാസ ആശ്രമം അദ്ധ്യക്ഷന് സ്വാമി ബ്രഹ്മപാദാനന്ദസരസ്വതി തൃപ്പാദങ്ങള് അനുഗ്രഹപ്രഭാഷണം നടത്തി. ഭാരതീയ വിചാരകേന്ദ്രം ഡയറക്ടര് പദ്മവിഭൂഷണ് ഡോ. പി.പരമേശ്വര്ജി സമ്മേളനത്തില് വിശിഷ്ടാതിഥിയായിരുന്നു. എംഎല്എ ഒ.രാജഗോപാല് മുഖ്യപ്രഭാഷണം നിര്വഹിച്ചു. ഭാരതീയ ബ്രഹ്മണസഭ സംസ്ഥാന ജനറല് സെക്രട്ടറി രാജവൈദ്യന് മോഹന്ലാല്, പി.കെ.പ്രവീണ് തുടങ്ങിയവര് സംസാരിച്ചു. സമ്മേളനത്തില് ആചാര്യ സുനില്കുമാര്, ജ്യോതിഷി ശങ്കരമംഗലത്ത് ത്രിലോചനന്, മാസ്റ്റര് ദീക്ഷിത് തുടങ്ങിയ മേഖലയിലെ മികച്ച വ്യക്തിത്വങ്ങളെ ആദരിച്ചു.
Discussion about this post