ചങ്ങനാശ്ശേരി: ശബരിമല യുവതീപ്രവേശന വിഷയത്തില് നാമജപ ഘോഷയാത്ര നടത്തിയവര്ക്കെതിരെ കേസെടുത്ത സര്ക്കാരിന് എന്എസ്എസിന്റെ രൂക്ഷ വിമര്ശനം. പൊലീസ് നടപടിയെ നിയമപരമായി നേരിടുമെന്ന് എന്എസ്എസ് ജനറല് സെക്രട്ടറി ജി. സുകുമാരന് നായര് വ്യക്തമാക്കി.
പൊലീസ് അനുവാദത്തോടെയാണ് നാമജപഘോഷയാത്ര നടത്തിയതെന്നും അദ്ദേഹം വ്യക്തമാക്കി. എന്എസ്എസ് ചിറയിന്കീഴ്, ആറ്റിങ്ങല്, കരുനാഗപ്പള്ളി, നെടുമങ്ങാട് താലൂക്ക് യൂണിയനുകളുടെ നേതൃത്വത്തില് നടത്തിയ ശരണമന്ത്ര നാമജപ യാത്രയില് പങ്കെടുത്ത സ്ത്രീകളുള്പ്പെടെയുള്ള അയ്യപ്പഭക്തര്ക്കെതിരെ പൊലീസ് കേസെടുത്ത സാഹചര്യത്തിലാണ് സുകുമാരന് നായരുടെ പ്രതികരണം.
ശബരിമലയിലെ ആചാര അനുഷ്ഠാനങ്ങള് സംരക്ഷിക്കണമെന്ന് ആവശ്യപ്പെട്ടും, ശബരിമല വിഷയത്തില് എന്എസ്എസ് ജനറല് സെക്രട്ടറി സുകുമാരന് നായര് സ്വീകരിച്ച നിലപാടുകള്ക്ക് പിന്തുണ പ്രഖ്യാപിച്ചുമായിരുന്നു വിവിധ യൂണിയനുകള് നാമജപ യാത്ര നടത്തിയത്.
Discussion about this post