പത്തനംതിട്ട: വാര്ത്താ സമ്മേളനത്തിനിടെ നടത്തിയ വിവാദ പരാമര്ശത്തില് അയ്യപ്പധര്മസേന പ്രസിഡന്റ് രാഹുല് ഈശ്വര് അറസ്റ്റില്. തിരുവനന്തപുരത്തെ ഫ്്ളാറ്റില്നിന്നാണ് അറസ്റ്റ് ചെയ്തത്. ശബരിമലയില് സ്ത്രീകള് പ്രവേശിക്കുന്ന സാഹചര്യമുണ്ടായാല് ചോരവീഴ്ത്താന് നിരവധി പേര് തയാറായിരുന്നെന്ന പരാമര്ശത്തിലാണ് അറസ്റ്റ്. കലാപാഹ്വാനത്തിന്റെ പേരില് രാഹുല് ഈശ്വറിനെതിരെ ജാമ്യമില്ലാ വകുപ്പ് പ്രകാരമാണ് പോലീസ് കേസെടുത്തിരുന്നത്. എറണാകുളം പ്രസ്ക്ലബില് നടത്തിയ വാര്ത്താസമ്മേളനത്തിലാണ് യുവതികള് സന്നിധാനത്ത് പ്രവേശിക്കുകയാണെങ്കില് കൈ മുറിച്ച് രക്തം വീഴ്ത്തി ശബരിമല നടയടപ്പിക്കാന് തയ്യാറായി 20 അംഗസംഘം ഉണ്ടായിരുന്നതായി രാഹുല് ഈശ്വര് പറഞ്ഞത്. രാഹുല് ഈശ്വറിന്റേത് സന്നിധാനത്ത് കലാപമുണ്ടാക്കാനുള്ള മനഃപൂര്വമായ ശ്രമമാണെന്ന് ചൂണ്ടിക്കാട്ടി തിരുവനന്തപുരം സ്വദേശി പ്രമോദ് ആണ് പോലീസില് പരാതി നല്കിയിരുന്നത്.
വിവാദ പരാമര്ശം: രാഹുല് ഈശ്വര് അറസ്റ്റില്
പുതിയ വാർത്തകൾ
Discussion about this post