ചാവക്കാട്: തൃശ്ശൂര് ചാവക്കാട് എസ്ബിഐയുടെ എടിഎമ്മിന്റെ സ്ക്രീനാണ് തകര്ത്തിരിക്കുന്നത്. പുലര്ച്ചെ ആറുമണിയോടെ എടിഎമ്മില് എത്തിയ ഇടപാടുകാരനാണ് എടിഎം തകര്ന്നു കിടക്കുന്ന വിവരം ബാങ്ക് അധികൃതരുടെ ശ്രദ്ധയില് പെടുത്തുന്നത്. സംഭവത്തിന് പിന്നില് പ്രൊഫഷണല് മോഷ്ടാക്കള് ആവാനുള്ള സാധ്യതകള് ഇല്ലെന്നാണ് പൊലീസ് വിലയിരുത്തല്.
ഉള്പ്രദേശത്തുള്ള എടിഎമ്മില് മിക്കപ്പോഴും പണം ഉണ്ടാവാറില്ലെന്ന് പരക്കെ ആരോപണം ഉണ്ട്. പണം ലഭിക്കാത്തതിനെ തുടര്ന്ന് ഇടപാടിനായി എത്തിയ ആരെങ്കിലും എടിഎം സ്ക്രീന് തല്ലിപ്പൊളിച്ചതാവാന് സാധ്യത കൂടുതലാണെന്നാണ് പൊലീസ് നല്കുന്ന വിവരം. എടിഎമ്മിലെ സിസിടിവി ദൃശ്യങ്ങള് പരിശോധിക്കുന്നതോടെ കൂടുതല് വിവരങ്ങള് ലഭ്യമാകുമെന്നാണ് പൊലീസ് വിശദമാക്കുന്നത്. 17 ലക്ഷം രൂപയുണ്ടായിരുന്ന എടിഎമ്മില് നിന്ന് പണം നഷ്ടപ്പെട്ടിട്ടില്ലെന്നാണ് ലഭ്യമാകുന്ന വിവരം.
Discussion about this post