ദില്ലി: ലോകത്തിലെ ഏറ്റവും പൊക്കമുള്ള പ്രതിമയായ സര്ദാര് വല്ലഭായ് പട്ടേലിന്റെ പ്രതിമ പ്രധാനമന്ത്രി നരേന്ദ്രമോദി രാജ്യത്തിന് സമര്പ്പിച്ചു. 182 അടിയാണ് പ്രതിമയുടെ ഉയരം. ഇന്ത്യയുടെ ഉരുക്കു മനുഷ്യന് എന്നറിയപ്പെടുന്ന സര്ദാര് വല്ലഭായ് പട്ടേലിന്റെ 143-ാം ജന്മദിനമായ ഇന്ന് പ്രതിമ അനാച്ഛാദനം ചെയ്യാന് കേന്ദ്രസര്ക്കാര് തീരുമാനിക്കുകയായിരുന്നു.
177 അടി ഉയരമുള്ള ചൈനയിലെ സ്പ്രിംഗ് ടെംപിള് ഓഫ് ബുദ്ധയെ പിന്തള്ളിയാണ് ഈ പ്രതിമ ഉയരത്തില് ഒന്നാമതായി തലയുയര്ത്തി നില്ക്കുന്നത്. ഗുജറാത്തിലാണ് സ്റ്റാച്യൂ ഓഫ് യൂണിറ്റി എന്ന് പേരിട്ടിരിക്കുന്ന ഈ പ്രതിമ.
രാം വി. സുത്തര് രൂപകല്പനയും എല് ആന്ഡ് ടി നിര്മാണവും നിര്വഹിച്ച പ്രതിമയ്ക്ക് 2,989 കോടി രൂപയാണ് ചെലവ്. ചൈനയിലെ 153 മീറ്റര് ഉയരമുള്ള ബുദ്ധപ്രതിമയെക്കാളും ബ്രസീലിലെ ക്രിസ്തുപ്രതിമയെക്കാളും അമേരിക്കയിലെ സ്റ്റാച്യു ഓഫ് ലിബേര്ട്ടിയേക്കാളുമൊക്കെ ഉയരമുള്ളതാണ് പട്ടേല് പ്രതിമ.
ഉദ്ഘാടനത്തിന്റെ ഭാഗമായി ദില്ലിയില് ഇന്ന് രാവിലെ ‘യൂണിറ്റി മാരത്തോണ്’ എന്ന പേരില് കൂട്ടയോട്ടം സംഘടിപ്പിച്ചു. രാജ്യവ്യാപകമായി വിപുലമായ പരിപാടികളാണ് പ്രതിമയുടെ അനാച്ഛാദനവുമായി ബന്ധപ്പെട്ട് സംഘടിപ്പിച്ചത്.
അതേസമയം പ്രതിമ അനാച്ഛാദനത്തിനെതിരെ അഹമ്മദാബാദിലെ ഗോത്രസമൂഹങ്ങളും കര്ഷകര് പ്രതിഷേധവുമായി രംഗത്തെത്തി. പ്രതിമ സ്ഥിതി ചെയ്യുന്ന നര്മ്മദ ജില്ലയിലെ കെവാദിയ ഗ്രാമത്തിന് സമീപമുള്ള ഗോത്രവര്ഗ്ഗക്കാരാണ് പ്രതിഷേധവുമായി മുന്നോട്ടു വന്നിരിക്കുന്നത്. പുനരധിവാസ പദ്ധതിയോ ജോലിയോ ഗോത്രസമൂഹത്തിലുള്ളവര്ക്ക് നല്കിയില്ലെന്നാണ് ഇവരുടെ വാദം.
