കൊച്ചി: ശബരിമലയില് വിശ്വാസ സംരക്ഷണത്തിനുവേണ്ടി സമരം നയിച്ച ഭക്തരെ തല്ലിച്ചതയ്ക്കാന് അനുമതി നല്കിയ സര്ക്കാരിനെതിരെ രൂക്ഷവിമര്ശനം ഉന്നയിച്ച് ഹൈക്കോടതി. ഭക്തരെ ആക്രമിച്ചതിനും, വാഹനങ്ങള് തകര്ത്തതിനും പൊലീസുകാര്ക്കെതിരെ എന്തുകൊണ്ട് നടപടി സ്വീകരിച്ചില്ലെന്ന് കോടതി സര്ക്കാരിനോട് ആരാഞ്ഞു. അയ്യപ്പവിശ്വാസികളായ ഒരു കൂട്ടം അഭിഭാഷകര് ചേര്ന്ന് നല്കിയ ഹര്ജിയിലായിരുന്നു കോടതിയുടെ പരാമര്ശം. വാഹനങ്ങള് തല്ലി തകര്ക്കാന് മാത്രം ശബരിമലയില് എന്ത് പ്രകോപനമാണ് സൃഷ്ടിച്ചതെന്ന് കോടതി ചോദിച്ചു. സമരത്തില് പങ്കെടുത്തവരുടെ വീഡിയോ ദൃശ്യങ്ങള് ശേഖരിച്ച് നടപടി എടുത്തതുപോലെ പൊലീസുകാരുടെ കാര്യത്തിലും നടപടി വേണമെന്ന് കോടതി നിര്ദേശിച്ചു. സമരം നടത്തിയവരുടെ വീഡിയോ ദൃശ്യങ്ങള് പൊലീസ് ഹാജരാക്കിയില്ല. പകരം ചില ഫോട്ടോകളാണ് കോടതിയില് ഹാജരാക്കിയത്.
സമരത്തില് പങ്കെടുത്ത ഭക്തര്ക്കെതിരെ സ്വീകരിച്ച അതേ നടപടികള് അക്രമം നടത്തിയ പൊലീസുകാര്ക്കെതിരെയും ചുമത്തണമെന്ന് ഹൈക്കോടതി നിര്ദേശിച്ചു. പമ്പയില് മാദ്ധ്യമങ്ങളെ തടഞ്ഞ പ്രവര്ത്തി ന്യായീകരിക്കാനാകാത്തതാണ്. ക്രമസമാധാനത്തിന്റെ പേരില് ഭക്തരെയും,മാദ്ധ്യമങ്ങളെയും തടയാന് പാടില്ല. മാദ്ധ്യമങ്ങളെ തടഞ്ഞത് മറ്റെന്തെങ്കിലും നടപ്പാക്കാനാണോയെന്നും കോടതി ആരാഞ്ഞു.
Discussion about this post