കൊച്ചി: ശബരിമലയില് ദര്ശനം നടത്തുന്ന യുവതികള്ക്കു പ്രത്യേക വ്രതക്രമം നിശ്ചയിക്കാന് തന്ത്രിക്കും തിരുവിതാംകൂര് ദേവസ്വം ബോര്ഡിനും നിര്ദേശം നല്കണമെന്നാവശ്യപ്പെട്ടു നല്കിയ ഹര്ജി ഹൈക്കോടതി തള്ളി. ഇക്കാര്യത്തില് ഇടപെടാന് കഴിയില്ലെന്നു ചൂണ്ടിക്കാട്ടിയാണു ഹര്ജി തള്ളിയത്. ശബരിമലയില് പത്തിനും അന്പതിനുമിടയില് പ്രായമുള്ള സ്ത്രീകള് ദര്ശനത്തിനെത്തുന്നതിനെ എതിര്ക്കുന്ന തന്ത്രിയുടെ നിലപാട് സുപ്രീം കോടതി വിധിയുടെ ലംഘനമാണെന്നു ഹര്ജിക്കാരനായ എം.കെ. നാരായണന് പോറ്റി ചൂണ്ടിക്കാട്ടിയിരുന്നു. ശബരിമല ദര്ശനത്തിനു തയാറെടുക്കുന്ന യുവതികള്ക്കു വ്രതാനുഷ്ഠാനങ്ങള് നിശ്ചയിച്ചു നല്കാനുള്ള അധികാരം തന്ത്രിക്കാണ്. ദേവസ്വം ബോര്ഡുമായി ആലോചിച്ചു തന്ത്രി ഇക്കാര്യത്തില് തീരുമാനമെടുക്കാന് നിര്ദേശിക്കണമെന്നും ഹര്ജിയില് പറയുന്നു.
യുവതികള്ക്കു പ്രത്യേക വ്രതക്രമം വേണമെന്ന ആവശ്യം: ഹര്ജി ഹൈക്കോടതി തള്ളി
പുതിയ വാർത്തകൾ
Discussion about this post