തിരുവനന്തപുരം: നെയ്യാറ്റിന്കരയില് യുവാവിനെ ഡിവൈഎസ്പി ഹരികുമാര് റോഡിലേക്ക് തള്ളിയിട്ട് കൊന്ന സംഭവത്തില് രണ്ട് പൊലീസുകാര്ക്ക് സസ്പെന്ഷന്. സജീഷ് കുമാര്, ഷിബു എന്നീ പൊലീസുകാരെയാണ് സസ്പെന്ഡ് ചെയ്തത്. അപകടത്തില്പ്പെട്ട സനലിനെ ആശുപത്രിയില് എത്തിക്കുന്നതില് വീഴ്ച വരുത്തിയതിനാണ് നടപടി. സനലിന്റെ മരണത്തില് പൊലീസിന് ഗുരുതര വീഴ്ച സംഭവിച്ചെന്ന് സ്പെഷ്യല് ബ്രാഞ്ച് കണ്ടെത്തിയതിനെ തുടര്ന്നാണ് നടപടി. പൊലീസ് സനലിനെ ആശുപത്രിയിലേക്ക് മാറ്റാന് വൈകിയെന്നാണ് സ്പെഷ്യല് ബ്രാഞ്ച് കണ്ടെത്തിയിരുന്നു. സനല് കുമാര് ചോര വാര്ന്ന് റോഡില് കിടന്നാണ് മരണപ്പെട്ടത്.
സനലിനെ ആശുപത്രിയിലെത്തിക്കാതെ കടന്നു കളഞ്ഞ ഡിവൈഎസ്പി ഹരികുമാര് അപകടം എസ്ഐയെ വിളിച്ചറിയിക്കുകയായിരുന്നു. എസ്ഐ പാറാവുകാരനായ പൊലീസുകാരനൊപ്പമാണ് അപകട സ്ഥലത്തെത്തിയത്. അപകടസ്ഥലത്ത് നിന്ന് സനലിനെ നേരെ ആശുപത്രിയില് കൊണ്ട് പോകുന്നതിന് പകരം പൊലീസ് സ്റ്റേഷനിലേക്കാണ് കൊണ്ട് പോയത്.
എന്നാല് സ്റ്റേഷനിലേക്ക് സനലിനെ കൊണ്ടുപോയില്ലെന്നും സ്റ്റേഷന് പുറത്ത് വച്ച് പൊലീസുകര്ക്ക് ഡ്യൂട്ടി മാറി കേറാനായി നിര്ത്തുക മാത്രമാണ് ചെയ്തതെന്നുമാണ് എസ്ഐയുടെ വിശദീകരണം. സനലിനെ നെയ്യാറ്റിന്കര താലൂക്ക് ആശുപത്രിയിലെത്തിക്കാന് വൈകിയെന്ന് വ്യക്തമാണ്.
Discussion about this post