തിരുവനന്തപുരം: ശബരിമലയില് പൊലീസ് ഏര്പ്പെടുത്തിയ നിയന്ത്രണങ്ങളെ ചൊല്ലി വിശ്വാസികളുടെ ഭാഗത്തുനിന്നും വലിയ പ്രതിഷേധമുണ്ടായ സാഹചര്യത്തില് ഡിജിപി മുഖ്യമന്ത്രിയും ദേവസ്വം മന്ത്രി കടകംപള്ളി സുരേന്ദ്രനുമായി കൂടിക്കാഴ്ച നടത്തി. നിയന്ത്രണങ്ങള് തുടര്ന്നാല് അത് വലിയ പ്രത്യാഘാതമുണ്ടാകുമെന്ന് യോഗത്തില് ദേവസ്വം മന്ത്രി കടകംപള്ളി സുരേന്ദ്രന് ചൂണ്ടിക്കാട്ടി.
ആരാധനാ സ്വാതന്ത്ര്യം പോലും നിഷേധിക്കുന്ന തരത്തില് പൊലീസ് നടത്തുന്ന നിയന്ത്രണങ്ങള്ക്കെതിരെ വിശ്വാസികളുടെ ഭാഗത്ത് നിന്നും ശക്തമായ പ്രതിഷേധമാണ് ഉയരുന്നത്.
മാത്രമല്ല രാത്രി പത്തുമണിക്കുശേഷം സന്നിധാനത്ത് കടകള് പൂര്ണമായും അടയ്ക്കണമെന്ന് പൊലീസിന്റെ നിര്ദ്ദേശം വ്യാപാരികളെ പ്രതികൂലമായി ബാധിക്കുന്നു. ഈ സാഹചര്യത്തിലാണ് ദേവസ്വം ബോര്ഡും പൊലീസിന്റെ നടപടികള്ക്ക് മേലുള്ള അതൃപ്തി ഡിജിപിയെ അറിയിച്ചത്. പൊലീസിന്റെ കടുത്ത നിയന്ത്രണങ്ങള് തുടരുന്ന പശ്ചാത്തലത്തില് അത് കൂടുതല് പ്രശ്നങ്ങള്ക്ക് വഴിവെക്കുമെന്ന് വിലയിരുത്തലാണ് ചര്ച്ചയില് ഉണ്ടായത്.
അതിനാല് തന്നെ നിയന്ത്രണങ്ങളില് ഇളവ് വേണമെന്ന് മന്ത്രി കടകംപള്ളി സുരേന്ദ്രന് ഡിജിപിയോട് ആവശ്യപ്പെട്ടു. ഇനിമുതല് പൊലീസിന്റെ കടുത്ത നിയന്ത്രണങ്ങള് ഉണ്ടാകില്ലെന്ന് ചര്ച്ചക്കുശേഷം നടത്തിയ വാര്ത്താസമ്മേളനത്തില് മന്ത്രി കടകംപള്ളി സുരേന്ദ്രന് വ്യക്തമാക്കി.
