കൊച്ചി: ശബരിമലയിലെ നിരോധനാജ്ഞ പിന്വലിക്കുക, അപമര്യാദയായി പെരുമാറിയ ഉദ്യോഗസ്ഥര്ക്കെതിരെ നടപടി സ്വീകരിക്കുക, കെ.സുരേന്ദ്രനെതിരെയുള്ള കേസ് പിന്വലിക്കുകതുടങ്ങിയ ആവശ്യങ്ങളുന്നിച്ച് ബി.ജെ.പി. സെക്രട്ടേറിയേറ്റിന് മുന്നില് നിരാഹാരസമരം നടത്തും. ബി.ജെ.പി. സംസ്ഥാന ജനറല് സെക്രട്ടറി എ.എന്. രാധാകൃഷ്ണന് സെക്രട്ടേറിയേറ്റിന് മുന്നില് നിരാഹാരസമരം നടത്തുമെന്ന് പ്രസിഡന്റ് പി.എസ്. ശ്രീധരന്പിള്ള അറിയിച്ചു. ഓരോദിവസവും ഓരോജില്ലയില്നിന്നുള്ള പ്രവര്ത്തകര് അനിശ്ചിതകാല നിരാഹാരസമരത്തില് പങ്കെടുക്കും.
കൂടാതെ സംസ്ഥാനവ്യാപകമായി പഞ്ചായത്തുതലം മുതല് സമരപരിപാടികള് സംഘടിപ്പിക്കും. ശബരിമല സംരക്ഷണത്തിനായി ഒരുകോടി ഒപ്പുശേഖരണം നടത്തും. പഞ്ചായത്ത് തലത്തില് ഡിസംബര് അഞ്ച് മുതല് പത്തുവരെ അയ്യപ്പഭക്ത സദസ്സുകള്, ഗുരുസ്വാമിമാരെ ആദരിക്കല് തുടങ്ങിയ പരിപാടികളും സംഘടിപ്പിക്കുമെന്ന് പി.എസ്. ശ്രീധരന്രപിള്ള പറഞ്ഞു.
എം.ടി. രമേശാണ് സെക്രട്ടേറിയേറ്റിന് മുന്നിലെ സമരപരിപാടികളുടെ കോര്ഡിനേറ്റര്. ജെ.ആര്. പത്മകുമാര്, സജീവ്, ശിവന്കുട്ടി എന്നിവര് ജോയിന്റ് കോര്ഡിനേറ്റര്മാരാണ്. ഡിസംബര് 17 വരെയുള്ള സമരപരിപാടികള്ക്കാണ് നിലവില് പാര്ട്ടി രൂപംനല്കിയിരിക്കുന്നത്.
Discussion about this post