ശബരിമല: വൃതശുദ്ധിയോടെ അയ്യനെക്കാണാനെത്തിയ ആയിരങ്ങള്ക്ക് ദര്ശനപുണ്യമായി മണ്ഡലപൂജ നടന്നു. നെയ്യഭിഷേകം പൂര്ത്തിയാക്കി 11 മണിക്ക് മണ്ഡലപൂജക്കുള്ള ഒരുക്കങ്ങള് തുടങ്ങി. തന്ത്രി കണ്ഠര് രാജീവരുടെ കാര്മികത്വത്തില് 12നും 12.30നും മധ്യേയായിരുന്നു മണ്ഡലപൂജ. മണ്ഡലപൂജയ്ക്കു ശേഷം 12.40ന് നട അടച്ചു.
വൈകിട്ട് 5ന് നടതുറക്കും. രാത്രി ഭസ്മാഭിഷേത്തിനുശേഷം ജപമാലയും മുദ്രവടിയും ചാര്ത്തി ധ്യാനനിരതനാക്കി നടഅടയ്ക്കുന്നതോടെ മണ്ഡലകാല പൂജകള് പൂര്ത്തിയാകും. മകരവിളക്കിനായി 30ന് വൈകിട്ട് അഞ്ചിനു നടതുറക്കും. ജനുവരി പതിനാലിനാണ് മകരവിളക്ക്.
മന്ത്രി കടകംപള്ളി സുരേന്ദ്രന്, ദേവസ്വം ബോര്ഡ് പ്രസിഡന്റ് എ.പത്മകുമാര്, അംഗങ്ങളായ കെ.പി.ശങ്കരദാസ്, ഡി.വിജയകുമാര് എന്നിവര് സന്നിഹിതരായിരുന്നു.
Discussion about this post