തിരുവനന്തപുരം: സംസ്ഥാനത്ത് കുട്ടികള്ക്കു വേണ്ടിയുള്ള ട്യൂഷന് സെന്ററുകളും കോച്ചിംഗ് സെന്ററുകളും ആരംഭിക്കുന്നതിനും നടത്തുന്നതിനും നിയമനിര്മാണം നടപ്പാക്കണമെന്ന് സംസ്ഥാന ബാലാവകാശ സംരക്ഷണ കമ്മീഷന് പൊതുവിദ്യാഭ്യാസ വകുപ്പിനോട് ശുപാര്ശ ചെയ്തു. ഇത്തരം സ്ഥാപനങ്ങള് ബാലസൗഹൃദപരമായിരിക്കുമെന്ന് ഉറപ്പുവരുത്തണമെന്നും കമ്മീഷന് ആവശ്യപ്പെട്ടു.
സ്കൂളുകളില് കുട്ടികളുടെ അവകാശങ്ങള് ലംഘിക്കപ്പെടാതിരിക്കുന്നതിന് നിയമങ്ങളും ചട്ടങ്ങളും നിലവിലുണ്ടെങ്കിലും ട്യൂഷന് സെന്ററുകളുടെ നടത്തിപ്പിന് നിയമങ്ങളോ ചട്ടങ്ങളോ നിലവിലില്ലെന്ന് കമ്മീഷന് നിരീക്ഷിച്ചു. ഇത്തരം സ്ഥാപനങ്ങളില് ഗുരുതരമായ ബാലാവകാശലംഘനങ്ങള് നടക്കുന്നുണ്ടാകാം എതിനാല് സര്ക്കാരിന്റെ ശ്രദ്ധ അടിയന്തരമായി പതിയേണ്ടതുണ്ട്.
വേനലവധിക്കാലത്ത് നടത്തു ട്യൂഷന് സെന്ററുകളിലും കോച്ചിംഗ് സെന്ററുകളിലും വലിയ തുക ഫീസ് ഈടാക്കി കുട്ടികളെ ചൂഷണം ചെയ്യുന്നുണ്ടെന്നും അവിടെ ഗുരുതരമായ ബാലാവകാശ ലംഘനങ്ങള് നടക്കുന്നുണ്ടെന്നുമുള്ള പരാതിയിന്മേലാണ് കമ്മീഷന്റെ നിരീക്ഷണം.
Discussion about this post