ചെങ്ങന്നൂര്: തന്ത്രിയുടെ അധികാരങ്ങളെയും അവകാശങ്ങളെയും ചോദ്യം ചെയ്യാന് സര്ക്കാരിനോ ദേവസ്വം ബോര്ഡിനോ അവകാശമില്ലെന്ന് താഴമണ്മഠം. ക്ഷേത്ര ആചാര അനുഷ്ഠാനം സംബന്ധിച്ചുളള അന്തിമ തീരുമാനം തന്ത്രിയുടേതാണെന്നും താഴമണ്മഠം പുറത്തിറക്കിയ കുറിപ്പില് വ്യക്തമാക്കുന്നു.
ശബരിമലയെപ്പറ്റി പറയുമ്പോള് എഡി 55 വരെ നിലയ്ക്കലായിരുന്ന താഴമണ്മഠത്തിന് ശബരിമലതന്ത്രം ബിസി100 ലാണ് അനുവദിച്ചത്. അത് ശ്രീ പരശുരാമ മഹര്ഷിയില് കല്പ്പിച്ചതുമാണ്. താന്ത്രികാവകാശം കുടുംബപരമായി കിട്ടുന്ന അവകാശമാണ്. ദേവസ്വംബോര്ഡ് നിയമിക്കുന്നതല്ല.
ക്ഷേത്ര ആചാരങ്ങളും അനുഷ്ഠാനുങ്ങളും തന്ത്രിമാരില് നിക്ഷിപ്തമായിട്ടുള്ളതാണ്. ഓരോ ക്ഷേത്രങ്ങളിലുമുളള പ്രത്യേക നിയമങ്ങള് അതാതു ക്ഷേത്രത്തിലെ പ്രതിഷ്ഠാസങ്കല്പങ്ങള്ക്ക് അനുസൃതമാണ് ക്ഷേത്ര ആചാരങ്ങളും അനുഷ്ഠാനങ്ങളും കേരളീയ തന്ത്രശാസ്ത്ര പ്രകാരവും ഗുരു പരമ്പരയുടെ ശിക്ഷണവും ഉപദേശവും അനുസരിച്ചാണ് അതിനാല് അതിലെ പാണ്ഡിത്യം അനിവാര്യമാണ്. ആയതിനാല് ആചാരനുഷ്ഠാനങ്ങള് സംബന്ധിച്ച് തന്ത്രിയ്ക്കാണ് ഒരോ ക്ഷേത്രത്തിലെയും പരമാധികാരം.
ഈ പരമാധികാരത്തെ സ്ഥാപിക്കുന്ന അനവധി കോടതി വിധികളും നിലവിലുണ്ട്. അതിനാല് തന്ത്രിയുടെ അവകാശത്തെ ചോദ്യം ചെയ്യാന് സര്ക്കാരിനോ ദേവസ്വം ബോര്ഡിനോ അവകാശമില്ല. ക്ഷേത്ര ആചാര അനുഷ്ഠാനം സംബന്ധിച്ചുളള അന്തിമ തീരുമാനവും അത് പ്രാവര്ത്തികമാക്കുന്നതിനുളള അധികാരവും ശാസ്ത്ര ഗ്രന്ഥങ്ങള് പ്രകാരവും കീഴ് വഴക്കവും അനുസരിച്ച് തന്ത്രിയില് മാത്രം നിക്ഷിപ്തമായിട്ടുളളതാണ്.
ക്ഷേത്രത്തിലെ അടിയന്തിരങ്ങള്ക്ക് പ്രതിഫലമായി ദേവസ്വംബോര്ഡില് നിന്നും ശമ്പളമല്ല മറിച്ച് ദക്ഷിണ മാത്രമാണ് തന്ത്രിമാര് സ്വികരിക്കുന്നതും. വസ്തുതകള് ഇതായിരിക്കെ തെറ്റിദ്ധാരണ പരത്തുന്ന പ്രസ്ഥാവനകളും മറ്റും അധികൃതരുടെ ഭാഗത്ത് നിന്നും ഉണ്ടാകുമ്പോള് അത് താഴമണ് മഠത്തിനടക്കം ഉണ്ടാക്കുന്ന വിഷമം ഏറെയാണ്. ഇക്കാര്യം ഇനിയും സമൂഹം അറിയാതെ പോകരുത് എന്നത് കൊണ്ട് മാത്രമാണീ കുറിപ്പെന്നും താഴമണ്മഠം വ്യക്തമാക്കി.
