കൊച്ചി: കഴിഞ്ഞ ഇടതു സര്‍ക്കാര്‍ അധികാരമൊഴിയുന്നതിന് മുന്‍പ് 209 ജീവപര്യന്തം തടവുകാരെ ശിക്ഷായിളവു നല്‍കി വിട്ടയച്ച നടപടി ഹൈക്കോടതി റദ്ദാക്കി. ഇവരുടെ വിവരങ്ങള്‍ പരിശോധിക്കണമെന്നും മോചനത്തിനുള്ള യോഗ്യത ഇല്ലാത്തവരുണ്ടെങ്കില്‍ ശേഷിച്ച കാലയളവില്‍ തടവു ശിക്ഷ പൂര്‍ത്തിയാക്കണമെന്നുമാണ് ഹൈക്കോടതി ഫുള്‍ ബെഞ്ചിന്റെ വിധി. 2011ലെ ഗാന്ധിജയന്തിയോട് അനുബന്ധിച്ച് തടവുകാരെ മോചിപ്പിച്ച സര്‍ക്കാര്‍ നടപടിയാണ് കോടതി റദ്ദാക്കിയത്. കെ.ടി.ജയകൃഷ്ണന്‍ മാസ്റ്റര്‍ വധക്കേസുള്‍പ്പെടെയുള്ള കൊലപാതക കേസുകളില്‍ ശിക്ഷ അനുഭവിച്ചുവന്നവരെ ഉള്‍പ്പെടെയാണ് അന്ന് മോചിപ്പിച്ചത്. ഇതിനെതിരെ കൊല്ലപ്പെട്ടവരുടെ ബന്ധുക്കള്‍ നല്‍കിയ ഹര്‍ജികള്‍ പരിഗണിക്കവേയാണ് ഹൈക്കോടതി നിര്‍ണായക വിധി പുറപ്പെടുവിച്ചത്. മോചിപ്പിക്കപ്പെട്ട 209 തടവുകാരില്‍ 14 വര്‍ഷം തടവ് പൂര്‍ത്തിയാക്കിയത് അഞ്ചില്‍ താഴെ പേര്‍ മാത്രമാണ്. നെട്ടുകാല്‍ത്തേരി തുറന്ന ജയില്‍-111, കണ്ണൂര്‍- 45, ചീമേനി- 24, വനിതാ ജയില്‍- ഒന്ന്, പൂജപ്പുര- 28 എന്നിങ്ങനെയാണ് സെന്‍ട്രല്‍ ജയിലില്‍ നിന്നും വിട്ടയച്ചവരുടെ എണ്ണം. അടുത്തിടെ 36 തടവുകാരെ ഒന്നിച്ച് മോചിപ്പിക്കാനുള്ള സര്‍ക്കാര്‍ ശുപാര്‍ശ ഗവര്‍ണര്‍ മടക്കിയിരുന്നു.
തടവുകാരെ ശിക്ഷായിളവു നല്‍കി വിട്ടയച്ച നടപടി ഹൈക്കോടതി റദ്ദാക്കി
പുതിയ വാർത്തകൾ
Discussion about this post