കൊച്ചി: ലോകത്തിലെ ഏറ്റവും വലിയ ഐടി ലക്ഷ്യസ്ഥാനമാക്കി കേരളത്തെ മാറ്റുകയാണ് സര്ക്കാരിന്റെ ലക്ഷ്യമെന്ന് മുഖ്യമന്ത്രി പിണറായി വിജയന് പറഞ്ഞു. ഇന്റഗ്രേറ്റഡ് സ്റ്റാര്ട്ട്അപ്പ് കോംപ്ലക്സിന്റെയും മേക്കര് വില്ലേജിന്റെയും ഉദ്ഘാടനം കളമശേരിയിലെ കേരള ടെക്നോളജി ഇന്നൊവേഷന് സോണില് ഉദ്ഘാടനം ചെയ്യുകയായിരുന്നു അദ്ദേഹം.
500 ലധികം സ്റ്റാര്ട്ട്അപ്പുകള്ക്ക് പ്രവര്ത്തന സൗകര്യമൊരുക്കുന്ന 180,000 ചതുരശ്ര വിസ്തീര്ണ്ണത്തിലുളള ഇന്റഗ്രേറ്റഡ് സ്റ്റാര്ട്ട്അപ്പ് കോംപ്ലക്സ് ഈ ലക്ഷ്യം കൈവരിക്കുന്നതിനുള്ള നടപടികളുടെ ഭാഗമാണ്. ഐടി പോലുള്ള വിജ്ഞാനാധിഷ്ഠിത വ്യവസായങ്ങള് പുതിയ വളര്ച്ചാ മേഖലയാണ്. ഈ മേഖലയില് കൂടുതല് ഊന്നല് നല്കാനാണ് സര്ക്കാര് തീരുമാനം. കേരളത്തില് നിന്നുള്ള സോഫ്റ്റ്വെയര് കയറ്റുമതി വര്ധിപ്പിക്കണം. ഇതിന് ഉതകുന്ന തരത്തില് പുതിയ വ്യവസായ മേഖലകളിലേക്ക് നിക്ഷേപകരെ ആകര്ഷിക്കാനും കഴിയണം. ഇതിനാവശ്യമായ ഭൗതിക, പശ്ചാത്തല, സാമൂഹിക പശ്ചാത്തല സൗകര്യങ്ങളും ഒരുക്കുകയാണ് സര്ക്കാര്. അതിനൂതനാശയങ്ങളുമായെത്തുന്ന സ്റ്റാര്ട്ട്അപ്പുകള്ക്ക് എല്ലാ പ്രോത്സാഹനവും സര്ക്കാര് നല്കുമെന്ന് അദ്ദേഹം പറഞ്ഞു.
Discussion about this post