ശബരിമല: പൊന്നമ്പലമേട്ടില് മകരജ്യോതി തെളിഞ്ഞു. ദര്ശനപുണ്യം നേടി ഭക്തര് മലയിറങ്ങിത്തുടങ്ങി. സന്ധ്യയോടെ സന്നിധാനത്തെത്തിയ തിരുവാഭരണം അയ്യപ്പന് ചാര്ത്തി ദീപാരാധന നടന്നു. സന്നിധാനം ശരണം വിളികളാല് മുഖരിതമായപ്പോള് പൊന്നമ്പലമേട്ടില് മകരജ്യോതി തെളിഞ്ഞു. കാടിനുള്ളില് പര്ണശാലകള് കെട്ടി കാത്തിരുന്ന അയ്യപ്പന്മാര്ക്ക് കണ്ണും മനസ്സും നിറഞ്ഞു.
തിരുവാഭരണ ഘോഷയാത്രയെ പതിനെട്ടാംപടിക്ക് മുകളില് ദേവസ്വംമന്ത്രി കടകംപള്ളി സുരേന്ദ്രന്റെയും ദേവസ്വം ബോര്ഡ് പ്രസിഡന്റ് എ. പദ്മകുമാറിന്റെയും നേതൃത്വത്തില് സ്വീകരിച്ചു. തന്ത്രി കണ്ഠരര് രാജീവരും മേല്ശാന്തി വാസുദേവന് നമ്പൂതിരിയും ചേര്ന്ന് തിരുവാഭരണപേടകം ഏറ്റുവാങ്ങി ശ്രീകോവിലുനുള്ളില് കൊണ്ടുപോയി അയ്യനു ചാര്ത്തി ദീപാരാധന നടത്തി.
Discussion about this post