പത്തനംതിട്ട: ശബരിമലയില് യുവതികള് പ്രവേശിച്ചതിന്റെ അടിസ്ഥാനത്തില് ശുദ്ധിക്രിയ നടത്തിയതിനു വിശദീകരണം നല്കുന്നതിനു തന്ത്രിക്ക് സാവകാശം നല്കാന് ദേവസ്വം ബോര്ഡ് തീരുമാനിച്ചു. രണ്ടാഴ്ച നല്കാനാണ് തീരുമാനം. നേരത്തെ ബോര്ഡ് നല്കിയ സമയപരിധി ഇന്ന് അവസാനിക്കാനിരിക്കെ കൂടുതല് സമയം വേണമെന്ന തന്ത്രിയുടെ ആവശ്യം പരിഗണിച്ചാണു നടപടി. സുപ്രിം കോടതി വിധിയുടെ അടിസ്ഥാനത്തില് ആക്ടിവിസ്റ്റുകളായ ബിന്ദുവും കനകദുര്ഗയും ക്ഷേത്രത്തില് പ്രവേശിച്ചതിനു പിന്നാലെയാണു തന്ത്രി നടയടച്ച് ശുദ്ധിക്രിയ ചെയ്തത്. ശബരിമല ക്ഷേത്ര നട അടച്ച തന്ത്രി കണ്ഠര് രാജീവരുടെ നടപടി ദേവസ്വം ബോര്ഡുമായി ആലോചിക്കാതെയാണെന്നു കമ്മീഷണര് എന്. വാസു റിപ്പോര്ട്ട് നല്കിയിരുന്നു. തന്ത്രിയുടെ നടപടി സുപ്രീം കോടതി വിധിയുടെ അന്തസത്തയ്ക്ക് എതിരാണെന്നു ദേവസ്വം ബോര്ഡ് പ്രസിഡന്റ് എ. പത്മകുമാറും നിലപാടെടുത്തിരുന്നു. ദേവസ്വം ബോര്ഡിന്റെ നോട്ടീസിനു മറുപടി നല്കുന്നതുമായി ബന്ധപ്പെട്ട് തന്ത്രി നിയമ വിദഗ്ധരുമായി കൂടിയാലോചന നടത്തുന്നുണ്ടെന്നാണ് വിവരം. അതേസമയം താന്ത്രികമായ വിവേചനാധികാരം ഉപോയോഗിച്ച് വേണ്ടസാഹചര്യങ്ങളില് അടിയന്തിരമായി തീരുമാനം കൈക്കൊള്ളുവാനുള്ള അവകാശമാണ് തന്ത്രി ഉപയോഗിച്ചിട്ടുള്ളതെന്ന് ഭക്തജനസമൂഹം ഒന്നടങ്കം വിലയിരുത്തുന്നു.
ശുദ്ധിക്രിയ നടത്തിയതിന്റെ വിശദീകരണം: തന്ത്രിക്ക് ദേവസ്വംബോര്ഡ് സാവകാശം നല്കി
പുതിയ വാർത്തകൾ
Discussion about this post