തിരുവനന്തപുരം: സംസ്ഥാന സര്ക്കാരിന്റെ ഭരണപരാജയങ്ങള്ക്കെതിരെ യുഡിഎഫിന്റെ സെക്രട്ടറിയേറ്റ് ഉപരോധിച്ചു. പ്രളയാനന്തര ഭരണസ്തംഭനം, ക്രമസമാധാന തകര്ച്ച, ശബരിമല വിഷയത്തില് വിശ്വാസികളോട് സര്ക്കാര് കാട്ടിയ വഞ്ചന എന്നിവയ്ക്കെതിരെയാണ് ഉപരോധ സമരം നടത്തിയത്. സെക്രട്ടേറിയറ്റ് ഉപരോധം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. കന്റോണ്മെന്റ് ഗേറ്റ് ഒഴികെയുള്ള സെക്രട്ടേറിയറ്റിലെ ഗേറ്റുകള്ക്ക് മുന്നില് ഉപരോധക്കാര് രാവിലെ തന്നെ നിലയുറപ്പിച്ചിരുന്നു. ഉപരോധത്തിന് ശേഷം ഉച്ചയോടെ യുഡിഎഫ് പ്രവര്ത്തകര് അറസ്റ്റ് വരിച്ച് സമരം അവസാനിപ്പിക്കും. ജില്ലാ കേന്ദ്രങ്ങളിലും യുഡിഎഫ് ഉപരോധ സമരം നടത്തി. കൊല്ലത്തെ ഉപരോധം എന്.കെ.പ്രേമചന്ദ്രന് എംപിയും പത്തനംതിട്ടയില് ഫോര്വേഡ് ബ്ലോക്ക് ദേശീയ സെക്രട്ടറി ജി.ദേവരാജനും ആലപ്പുഴയില് തിരുവഞ്ചൂര് രാധാകൃഷ്ണന് എംഎല്എയും എറണാകുളത്ത് യുഡിഎഫ് കണ്വീനര് ബെന്നി ബെഹനാനും ഇടുക്കിയില് ജോണി നെല്ലൂരും തൃശൂരില് കെ.മുരളീധരന് എംഎല്എയും പാലക്കാട്ട് എം.കെ.മുനീര് എംഎല്എയും കോഴിക്കോട്ട് കെപിസിസി അധ്യക്ഷന് മുല്ലപ്പള്ളി രാമചന്ദ്രന്നും വയനാട് ഇ.ടി.മുഹമ്മദ് ബഷീര് എംപിയും മലപ്പുറത്ത് പി.കെ.കുഞ്ഞാലിക്കുട്ടി എംപിയും കണ്ണൂരില് പി.ജെ.ജോസഫ് എംഎല്എയും കാസര്ഗോഡ് കെ.സുധാകരനും ഉപരോധം ഉദ്ഘാടനം ചെയ്തു.
സെക്രട്ടേറിയറ്റ് ഉപരോധം: പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു
പുതിയ വാർത്തകൾ
Discussion about this post