തിരുവനന്തപുരം: മലയാളഭാഷയ്ക്കുള്ള സംഭാവനയ്ക്ക് രാഷ്ട്രപതി നല്കുന്ന ആദ്യത്തെ ശ്രേഷ്ഠഭാഷാപുരസ്കാരത്തിന് ഡോ. വി.ആര്.പ്രബോധചന്ദ്രന് നായരെ തിരഞ്ഞെടുത്തു. അഞ്ചുലക്ഷം രൂപയും ബഹുമതി സര്ട്ടിഫിക്കറ്റും ഉള്പ്പെടുന്നതാണ് പുരസ്കാരം. കേരള സര്വകലാശാലയില്നിന്നും ലണ്ടന് സര്വകലാശാലയില്നിന്നും ഡോക്ടറേറ്റ് നേടിയ പ്രബോധചന്ദ്രന് നായര്, കേരള യൂണിവേഴ്സിറ്റിയുടെ ഭാഷാശാസ്ത്രവിഭാഗത്തില് അധ്യക്ഷ പ്രൊഫസര്, കേരളത്തിലെയും വിദേശങ്ങളിലെയും വിവിധ യൂണിവേഴ്സിറ്റികളില് അതിഥി പ്രൊഫസര് എന്നീ നിലകളില് പ്രവര്ത്തിച്ചിട്ടുണ്ട്. കേരള കലാമണ്ഡലം ചെയര്മാനായിരുന്നു. പ്രഭാഷകന്, കഥകളി, കൂടിയാട്ടം തുടങ്ങിയ രംഗകലകളുടെ നിരൂപകന്, വാഗ്ഗേയകാരന് എന്നീ നിലകളില് പ്രസിദ്ധനാണ്. വിവേകാനന്ദ സാംസ്കാരിക കേന്ദ്രത്തിന്റെ പ്രസിഡന്റുകൂടിയാണ് അദ്ദേഹം. അദ്ദേഹത്തിന്റെ ശ്രീലളിതാസഹസ്രനാമത്തിന്റെ ലളിതമായ വ്യാഖ്യാനം ഒട്ടേറെ വായനാക്കാരെ ആകര്ഷിച്ചിട്ടുണ്ട്. ഇത് നേരത്തേ പുണ്യഭൂമി ഓണ്ലൈന് എഡിഷനില് സനാതനം വിഭാഗത്തില് പ്രസിദ്ധീകരിച്ചിട്ടുണ്ട്.
ഡോ. വി.ആര്.പ്രബോധചന്ദ്രന് നായര്ക്ക് ശ്രേഷ്ഠഭാഷാ പുരസ്കാരം
പുതിയ വാർത്തകൾ
Discussion about this post