കോഴിക്കോട്: മാതാ അമൃതാനന്ദമയിയെക്കുറിച്ച് മുഖ്യമന്ത്രി പിണറായി വിജയന് പറഞ്ഞത് വിഢിത്തമാണെന്ന് സ്വാമി ചിദാനന്ദപുരി. മാതാ അമൃതാനന്ദമയിയുടെ പ്രതിച്ഛായ സമൂഹത്തില് അവരുണ്ടാക്കിയതാണ്. അത് സംരക്ഷിക്കാനും അമൃതാനന്ദമയിക്ക് അറിയാമെന്നും ഇക്കാര്യത്തില് മുഖ്യമന്ത്രി ഭയപ്പെടേണ്ടതില്ലെന്നും കൊളത്തൂര് അദ്വൈതാശ്രമം മഠാധിപതി സ്വാമി ചിദാനന്ദപുരി പറഞ്ഞു. ആചാര ധ്വംസകരെ ഒറ്റപ്പെടുത്താന് വരുന്ന തെരെഞ്ഞെടുപ്പില് ആരുമായും സഹകരിക്കുന്നത് നല്ലതാണ്. ആചാരങ്ങള് സംരക്ഷിക്കണമെന്ന് കോണ്ഗ്രസ്സും ലീഗും ആവശ്യപ്പെട്ടതായിരുന്നുവെന്നും സ്വാമി പറഞ്ഞു.
എന്തിന്റെ പേരിലായാലും, മാതാ അമൃതാനന്ദമയി ശബരിമല കര്മസമിതി യോഗത്തിന്റെ വേദി പങ്കിടാന് പാടില്ലായിരുന്നുവെന്നാണ് മുഖ്യമന്ത്രിയുടെ പരാമര്ശം. അമൃതാനന്ദമയിയെ തെറ്റായ പാതയിലേക്ക് തള്ളിവിടാനുള്ള ശ്രമം സംഘപരിവാറിന്റെ താല്പര്യത്തില് കുടുങ്ങാതെ മാറി നില്ക്കാനുള്ള ആര്ജവം അവര് കാണിക്കേണ്ടിയിരുന്നു. അത് പ്രതിച്ഛായയ്ക്ക് മങ്ങലേല്പ്പിച്ചെന്നും മുഖ്യമന്ത്രി പറഞ്ഞിരുന്നു. പ്രതിവാര സംവാദ പരിപാടിയായ ‘നാം മുന്നോട്ടി’ലായിരുന്നു മുഖ്യമന്ത്രിയുടെ പ്രതികരണം.
Discussion about this post