തിരുവനന്തപുരം: സംസ്ഥാന ബജറ്റ് ധനമന്ത്രി തോമസ് ഐസക് നിയമസഭയില് അവതരിപ്പിച്ചു. 12, 18, 28 ശതമാനം ജിഎസ്ടി നിരക്കുള്ള ഉത്പന്നങ്ങള്ക്ക് രണ്ടു വര്ഷത്തേക്ക് ഒരു ശതമാനം പ്രളയ സെസ് ഏര്പ്പെടുത്താന് സര്ക്കാര് തീരുമാനിച്ചു.
3,000 ചതുരശ്രഅടിയില് കൂടുതലുള്ള വീടുകള്ക്ക് ആഡംബര നികുതി. കൂടാതെ നിര്മാണ മേഖലയില് പ്ലൈവുഡ്, സിമന്റ്, പെയിന്റ്, മാര്ബിള്, ഗ്രാനൈറ്റ്, സെറാമിക് ടൈല്സ്, മുള ഉരുപ്പടികള് എന്നിവയുടെയെല്ലാം വില ഉയരും. മദ്യത്തിന് രണ്ടു ശതമാനവും സ്വര്ണം, വെള്ളി ആഭരണങ്ങള്ക്ക് കാല്ശതമാനവും നികുതി വര്ധിപ്പിച്ചു. ക്ഷേമപെന്ഷന് 100 രൂപ വര്ധിപ്പിച്ചു.
സിനിമാ ടിക്കറ്റുകള്ക്ക് 10 ശതമാനം വിനോദ നികുതി പിരിക്കും. സ്വര്ണം, കാര്, എസി, ഫ്രിഡ്ജ്, സിഗററ്റ്, ശീതള പാനീയങ്ങള്, ബിസ്കറ്റ്, ഹെയര് ഓയിലുകള്, ബ്രാന്ഡഡ് വസ്ത്രങ്ങള്, നോട്ടുബുക്ക്, കണ്ണട, ടെലിവിഷന്, സ്കൂള് ബാഗ്, ടൂത്ത് പേസ്റ്റ്, സോപ്പ്, കംപ്യൂട്ടര്, കയര് എന്നിവയുടെയ്ക്ക് വില കൂടും.
കുടുംബശ്രീക്ക് 1,000 കോടിയും രണ്ടാം കുട്ടനാട് പാക്കേജിന് 1,000 കോടിയും കെഎസ്ആര്ടിസി പുനരുദ്ധാരണത്തിന് 1,000 കോടിയും ബജറ്റില് വകയിരുത്തിയിട്ടുണ്ട്. തിരുവനന്തപുരത്ത് നവോഥാന മ്യൂസിയം സ്ഥാപിക്കും.
തിരുവനന്തപുരം നഗര പരിധിയിലുള്ള കെഎസ്ആര്ടിസി സര്വീസുകള് പൂര്ണമായും ഇലക്ട്രിക് ബസുകളാക്കും. തെക്കു-വടക്ക് സമാന്തര റെയില്വേ പണി തുടങ്ങും. ഏഴുവര്ഷംകൊണ്ട് പൂര്ത്തിയാക്കും. ബേക്കല്-കോവളം ജലപാത 2020 ല് പൂര്ത്തീകരിക്കും.
വൃക്ഷങ്ങള് നടാന് ബാങ്ക് വഴി വായ്പ നല്കും . പ്രാഥമികാരോഗ്യ കേന്ദ്രങ്ങള് കുടുംബ ആരോഗ്യ കേന്ദ്രങ്ങളാക്കും. ഇവയില് മൂന്ന് ഡോക്ടര്മാര് വീതം ഉണ്ടാകും.42 ലക്ഷം കുടുംബങ്ങള്ക്ക് സര്ക്കാര് പ്രീമിയം അടയ്ക്കുന്ന സമഗ്ര ആരോഗ്യ ഇന്ഷുറന്സ് പദ്ധതി മേയില് പദ്ധതി നടപ്പാക്കും. പ്രളയത്തില് നഷ്ടം വന്ന വ്യാപാരികള്ക്ക് 20 കോടി രൂപ സഹായം.വിള ഇന്ഷുറന്സിന് 20 കോടി തുടങ്ങിയവയാണ് പ്രധാന ബജറ്റ് നിര്ദേശങ്ങള്.
Discussion about this post