കൊച്ചി: തൊഴില് നഷ്ടപ്പെട്ടതിനെതിരെ കെഎസ്ആര്ടിസി എംപാനല് ജീവനക്കാര് നല്കിയ ഹര്ജി ഹൈക്കോടതി തള്ളി. ഒഴിവുകള് നികത്തേണ്ടത് പിഎസ്സി വഴിയെന്ന് ഹൈക്കോടതി വ്യക്തമാക്കി. താല്ക്കാലിക ജീവനക്കാര്ക്ക് കെഎസ്ആര്ടിസി പ്രതീക്ഷ നല്കിയെന്നും ഹൈക്കോടതി വിമര്ശിച്ചു. എം പാനല് ജീവനക്കാര്ക്ക് വ്യാജ പ്രതീക്ഷ നല്കിയ കെഎസ്ആര്ടിസി നിയമനത്തില് കടിച്ച് തൂങ്ങി കിടക്കാന് ഇത് ഇവരെ പ്രേരിപ്പിച്ചുവെന്നും വിലയിരുത്തി.
പത്തു വര്ഷത്തില് കുറവ് സര്വീസ് ഉള്ള മുഴുവന് എംപാനല് ജീവനക്കാരെ പിരിച്ചുവിടാന് നേരത്തെ ഹൈക്കോടതി നിര്ദ്ദേശം നല്കിയിരുന്നു. ഇങ്ങനെ വരുന്ന ഒഴിവുകളിലേക്ക് പിഎസ്സി ലിസ്റ്റില് നിന്ന് നിയമനം നടത്താനും കെഎസ്ആര്ടി സിയോട് ഹൈക്കോടതി ഇടക്കാല ഉത്തരവിലൂടെ ആവശ്യപ്പെട്ടിരുന്നു. ഉത്തരവിന് അടിസ്ഥാനത്തില് 1421 പേര് ജോലിയില് പ്രവേശിച്ചു.
Discussion about this post