തിരുവനന്തപുരം: ശബരിമലയിലെ ശുദ്ധിക്രിയ യുവതികള് ദര്ശനം നടത്തിയതിനോടനുബന്ധിച്ചല്ലെന്ന് തന്ത്രി കണ്ഠര് രാജീവര്. ദേവസ്വം കമ്മിഷണര്ക്കു നല്കിയ വിശദീകണത്തിലാണ് തന്ത്രി ഇക്കാര്യം വ്യക്തമാക്കിയത്.
അനുഷ്ഠാനത്തിന് കോട്ടമോ ക്ഷേത്രചൈതന്യത്തിനു ലോപമോ വരുമ്പോഴാണ് പരിഹാരക്രിയകള് നടത്താറുള്ളത്. ഊഹങ്ങളുടെയോ നിഗമനത്തിന്റെയോ അടിസ്ഥാനത്തിലല്ല ശുദ്ധിക്രിയ നടത്തിയത്. പരിഹാരക്രിയയുടെ കാര്യം ദേവസ്വം പ്രസിഡന്റ്, കമ്മിഷണര്, അംഗം, അഡ്മിനിസ്ട്രേറ്റീവ് ഓഫീസര് എന്നിവരെ അറിയിച്ചിരുന്നതായും അദ്ദേഹം വിശദീകരണത്തില് പറയുന്നു. ദൂതന്മുഖേനയാണ് അദ്ദേഹം മറുപടി ബോര്ഡിന്റെ ആസ്ഥാനത്ത് എത്തിച്ചത്.
Discussion about this post