പന്തളം: ശബരിമല ഹര്ജികളില് അനുകൂല വിധിയുണ്ടാകുമെന്ന പ്രതീക്ഷയെന്ന് പന്തളം കൊട്ടാരം ട്രസ്റ്റ് പ്രസിഡന്റ് പി ജി ശശികുമാര് വര്മ്മ. മറ്റൊരു ബഞ്ചിലേക്ക് മാറിയാലും നല്ലത് സംഭവിക്കുമെന്നാണ് വിശ്വാസം. ഭക്തജനങ്ങളുടെ വികാരം കോടതി ഉള്കൊണ്ടതായി കരുതുന്നുവെന്ന് ശശികുമാര് വര്മ്മ പറഞ്ഞു. നാമജപത്തെ മാത്രം മുറുകെ പിടിച്ച് കഴിയുന്നു. എത്തേണ്ട സ്ഥലങ്ങളില് ഇത് എത്തുമെന്നും ശശികുമാര് വര്മ്മ പറഞ്ഞു. സര്ക്കാര് ആരെയോ തോല്പ്പിക്കാനാണ് 51 പേര് മലകയറിയെന്ന് പറഞ്ഞത്. ഒടുവില് അത് രണ്ടുപേരായി ചുരുങ്ങി. എല്ലാം കള്ളമാണെന്ന് ജനങ്ങള് തിരിച്ചറിഞ്ഞുവെന്നും ശശികുമാര് വര്മ്മ പറഞ്ഞു.
ശബരിമല കേസ് ഇന്ന് സുപ്രീംകോടതി പരിഗണിക്കും. പുനപരിശോധന ഹര്ജികള്ക്കൊപ്പം റിട്ട് ഹര്ജികളും പരിഗണിക്കും. ചീഫ് ജസ്റ്റിസ് അദ്ധ്യക്ഷനായ ഭരണഘടന ബെഞ്ചാണ് കേസ് പരിഗണിക്കുക. ശബരിമലയില് യുവതി പ്രവേശനം അനുവദിച്ചുകൊണ്ടുള്ള സുപ്രീംകോടതി വിധി വലിയ വിവാദങ്ങള്ക്കും പ്രതിഷേധങ്ങള്ക്കും വഴിവെച്ചിരുന്നു. വിധി നടപ്പാക്കാനുള്ള സംസ്ഥാന സര്ക്കാരിന്റെ നീക്കങ്ങള് കായികമായി തന്നെ തടയാനുള്ള ശ്രമങ്ങളും ഉണ്ടായിരുന്നതായും അദ്ദേഹം പറഞ്ഞു. എന്തായാലും ലോക്സഭ തെരഞ്ഞെടുപ്പിന് ഒരുങ്ങുന്ന കേരളത്തിലെ രാഷ്ട്രീയ സാഹചര്യങ്ങളില് ഇന്നത്തെ കോടതി നടപടികള് നിര്ണായകമാകും.
Discussion about this post