തിരുവനന്തപുരം: ആറ്റുകാല്‍ ഭഗവതി ക്ഷേത്രത്തില്‍ പൊങ്കാല ഉത്സവത്തോടനുബന്ധിച്ചുള്ള കുത്തിയോട്ട വ്രതം തുടങ്ങി. 13 വയസ്സില്‍ താഴെയുള്ള 815 കുട്ടികളാണ് ഈ വര്‍ഷം കുത്തിയോട്ട വ്രതത്തിനുള്ളത്. മേല്‍ശാന്തിയില്‍നിന്നു പ്രസാദം വാങ്ങി പള്ളിപ്പലകയില്‍ വെള്ളിനാണയങ്ങള്‍ വച്ച് ദേവിയെ വണങ്ങി കുട്ടികള്‍ വ്രതം തുടങ്ങി.
ഇനി ഏഴുനാളുകള്‍ ക്ഷേത്രത്തിനകത്തു കഴിയുന്ന ഇവരാണ് ഒന്‍പതാം ദിവസം ദേവിയുടെ എഴുന്നള്ളത്തിന് അകമ്പടി സേവിക്കുന്നത്. അണിയിച്ചൊരുക്കി ചൂരല്‍കുത്തിയാണ് അകമ്പടി പോകുന്നത്. തിരിച്ചെത്തി ചൂരല്‍ ഇളക്കുന്നതോടെയെ കുത്തിയോട്ടവ്രതം അവസാനിക്കും. മഹിഷാസുരമര്‍ദിനിയുടെ മുറിവേറ്റ ഭടന്‍മാരായാണ് കുത്തിയോട്ടക്കാരെ കരുതുന്നത്.
Discussion about this post