കണ്ണൂര്: കൊട്ടിയൂര് ബലാത്സംഗക്കേസില് സെന്റ് സെബാസ്റ്റ്യന്സ് പള്ളി വികാരി ആയിരുന്ന റോബിന് വടക്കുംചേരിക്ക് 20 വര്ഷം കഠിനതടവും മൂന്ന് ലക്ഷം രൂപ പിഴയും കോടതി വിധിച്ചു.തലശ്ശേരി പോക്സോ കോടതിയാണ് ശിക്ഷ വിധിച്ചത്. മൂന്ന് വകുപ്പുകള്ക്കുമായി 60 വര്ഷം കഠിനതടവാണ് കോടതി വിധിച്ചത്. എന്നാല് ഇത് ഒരുമിച്ച് 20 വര്ഷം അനുഭവിച്ചാല് മതിയാകും. ഫലത്തില് 20 വര്ഷം തടവും മൂന്ന് ലക്ഷം രൂപ പിഴയുമാണ് ശിക്ഷ. അതേസമയം, കുട്ടിയുടെ മാതാപിതാക്കള്ക്കെതിരെയും കേസെടുക്കാന് കോടതി നിര്ദേശിച്ചു. കള്ളം പറഞ്ഞതിനാണ് നടപടി.
പീഡനകേസിലെ മറ്റ് 6 പ്രതികളെ കോടതി വെറുതേ വിട്ടിരുന്നു. തെളിവുകളുടെ അഭാവത്തിലാണ് 6 പ്രതികളെ വെറുതെ വിട്ടത്. ഫാദര് റോബിനെതിരെയുള്ള എല്ലാ കുറ്റങ്ങളും കോടതി ശരിവെച്ചു.
പതിനാറ് വയസ്സായ സ്കൂള് വിദ്യാര്ത്ഥിനിയെ ബലാത്സംഗം ചെയ്ത് ഗര്ഭിണിയാക്കിയെന്നാണ് കൊട്ടിയൂര് സെന്റ് സെബാസ്റ്റ്യന്സ് പള്ളി വികാരി ആയിരുന്ന റോബിന് വടക്കുംചേരിക്കെതിരായ കേസ്.
പോലീസ് അറസ്റ്റ് ചെയ്ത ഇയാള് കളിഞ്ഞ ഒരു വര്ഷമായി റിമാന്റിലായിരുന്നു. പെണ്കുട്ടി ജന്മം നല്കിയ കുഞ്ഞിന്റെ പിതാവ് റോബിന് വടക്കുംചേരി തന്നെയെന്ന് ഡിഎന്എ പരിശോധനയിലും തെളിഞ്ഞിരുന്നു. കേസില് പത്ത് പേരെ അറസ്റ്റ് ചെയ്തെങ്കിലും 3 പേരെ സുപ്രീം കോടതി വിട്ടയച്ചിരുന്നു.
Discussion about this post