കൊണ്ടോട്ടി: തീവ്രവാദി ആക്രമണത്തില് കൊലപ്പെട്ട മലയാളി ജവാന് വസന്ത് കുമാറിന്റെ ഭൗതികശരീരം വിമാനമാര്ഗം കോഴിക്കോട് എത്തിച്ചു. വിമാനത്താവളത്തില് വസന്തകുമാറിന്റെ സഹോദരനടന് ബന്ധുക്കള് മന്ത്രിമാര് ജനപ്രതിനിധികള് എന്നിവര് ചേര്ന്ന് മൃതദേഹം ഏറ്റുവാങ്ങി.
സംസ്ഥാന സര്ക്കാരിനു വേണ്ടി മന്ത്രി കെ ടി ജലീലും, ഗവര്ണര്ക്കു വേണ്ടി ജില്ലാ കളക്ടറും മൃതദേഹത്തില് പുഷ്പചക്രം സമര്പ്പിച്ചു. വിമാനത്താവളത്തിലെ ആഗമന ടെര്മിനലിന് സമീപം അരമണിക്കൂറോളം മൃതദേഹം പൊതുദര്ശനത്തിന് വച്ചു.
മന്ത്രിമാരായ കെടി ജലീല്, എകെ ശശീന്ദ്രന്, എംപിമാരായ എം.കെ.രാഘവന്, ഇടി മുഹമ്മദ് ബഷീര്, എംഎല്എമാരായ സികെ ശശീന്ദ്രന്, ഷാഫി പറന്പില്, അബ്ദുള് ഹമീദ് തുടങ്ങി നിരവധി ജനപ്രതിനിധികള് വിമാനത്താവളത്തില് എത്തിയിരുന്നു. സിആര്പിഫിന്റെ പ്രത്യേകം സജ്ജമാക്കിയ വാഹനത്തില് മൃതദേഹം വിലാപയാത്രയായി വയനാട്ടിലേക്ക് കൊണ്ടുപോയി.
Discussion about this post