മഞ്ചേശ്വരം: കാസര്ഗോഡ് പെരിയ കല്യോട്ട് യൂത്ത് കോണ്ഗ്രസ് പ്രവര്ത്തകരെ കൊലപ്പെടുത്തിയത് കൊടുവാള് ഉള്പ്പെടെയുള്ള മൂര്ച്ചയുള്ള ആയുധം ഉപയോഗിച്ചെന്ന് ഇന്ക്വസ്റ്റ് റിപ്പോര്ട്ട്. ശരത് ലാലിന്റെ കഴുത്തില് ആഴത്തിലുള്ള വെട്ടേറ്റു. അതോടൊപ്പം ഇരു കാലുകളിലുമായി അഞ്ച് മാരക വെട്ടേറ്റതായും കൈകളിലെ അസ്ഥികള് തകര്ന്നു പോയതായും റിപ്പോര്ട്ടില് പറയുന്നു. കൃപേഷിന്റെ തലയിലാണ് ആഴത്തില് വെട്ടേറ്റത്. യൂത്ത് കോണ്ഗ്രസ് പ്രവര്ത്തകരെ വെട്ടിക്കൊലപ്പെടുത്തിയ സംഭവത്തിനു കാരണം രാഷ്ട്രീയവൈരമാണെന്നാണ് പോലീസിന്റെ എഫ്ഐആര്. അന്വേഷണ സംഘം തയാറാക്കിയ എഫ്ഐആറിലാണ് ഇക്കാര്യം രേഖപ്പെടുത്തിയിട്ടുള്ളത്. സിപിഎം പ്രവര്ത്തകരാണ് കൊലപാതകത്തിനു പിന്നിലെന്നും എഫ്ഐആറില് രേഖപ്പെടുത്തിയിട്ടുണ്ട്. ഞായറാഴ്ച രാത്രിയാണ് കാസര്ഗോട്ടെ പെരിയ കല്യോട്ട് യൂത്ത് കോണ്ഗ്രസ് പ്രവര്ത്തകരായ കൃപേഷ്, ശരത് ലാല് എന്നിവര് വെട്ടേറ്റ് കൊല്ലപ്പെട്ടത്.
യൂത്ത് കോണ്ഗ്രസ് പ്രവര്ത്തകരെ കൊലപ്പെടുത്തിയത് മൂര്ച്ചയുള്ള ആയുധം കൊണ്ടെന്ന് ഇന്ക്വസ്റ്റ് റിപ്പോര്ട്ട്
പുതിയ വാർത്തകൾ
Discussion about this post