തിരുവനന്തപുരം: പ്രധാന്മന്ത്രി കൃഷി സമ്മാന് സംബന്ധിച്ച് സാമൂഹ്യമാധ്യമങ്ങളില് വ്യാജ പ്രചാരണങ്ങള് നടക്കുന്നതായും പദ്ധതി സംബന്ധിച്ച് യാതൊരു ആശങ്കയും വേണ്ടെന്ന് കൃഷിമന്ത്രി വി. എസ്. സുനില്കുമാര്. സെക്രട്ടറിയേറ്റ് ലയം ഹാളില് കൃഷിവകുപ്പ് ഉദ്യോഗസ്ഥര്ക്കുള്ള ഔദ്യോഗിക സിം കാര്ഡിന്റെ വിതരണോദ്ഘാടനം നിര്വഹിക്കുകയായിരുന്നു അദ്ദേഹം. കൃഷിഭൂമിയാണെന്ന സത്യവാങ്മൂലം നല്കിയാല് ഭൂമി ഡാറ്റാബാങ്കിലേക്ക് പോകും, അവിടെ വീട് വയ്ക്കാന് സാധിക്കില്ല എന്നിങ്ങനെയുള്ള പ്രചരണങ്ങള് നടക്കുന്നുണ്ട്. ഇതിനെതിരെ പോലീസില് പരാതി നല്കും. പദ്ധതിയുടെ ഭാഗമാകുന്നതു കൊണ്ട് കൃഷിക്കാര്ക്ക് യാതൊരു പ്രശ്നവുമുണ്ടാകില്ലെന്നും നെല്വയല് തണ്ണീര്ത്തട നിയമവുമായി പദ്ധതിക്ക് യാതൊരു ബന്ധവുമില്ലെന്നും മന്ത്രി പറഞ്ഞു.
കൃഷിവകുപ്പ് ഉദ്യോഗസ്ഥര്ക്ക് കര്ഷകരുമായി കൂടുതല് ബന്ധപ്പെടുന്നതിനായാണ് സംസ്ഥാനത്തെ 1778 കൃഷി വകുപ്പ് ഉദ്യോഗസ്ഥര്ക്ക് സിം കാര്ഡ് വിതരണം ചെയ്യുന്നത്. ഉദ്യോഗസ്ഥര് മാറിയാലും മൊബൈല് നമ്പര് സ്ഥിരമായി ഓരോ ഓഫീസിലും ഉണ്ടാകും. കൃഷിവകുപ്പിന്റെ പ്രവര്ത്തനങ്ങളും അറിയിപ്പുകളും ജനങ്ങളിലേക്കെത്താന് സോഷ്യല് മീഡിയയിലും വകുപ്പിന്റെ പ്രവര്ത്തനങ്ങള് വ്യാപിപ്പിച്ചു തുടങ്ങി.
ചടങ്ങില് വകുപ്പു സെക്രട്ടറി ദേവേന്ദ്രകുമാര് സിംഗ്്, ഡയറക്ടര് പി.കെ.ജയശ്രീ, രത്തന് യു. ഖേല്കര്, ബി.എസ്.എന്.എല് ഉദ്യോഗസ്ഥന് വിജയേന്ദ്ര എന്നിവര് സംബന്ധിച്ചു.
Discussion about this post