തിരുവനന്തപുരം: അനധികൃത ശീതള പാനീയങ്ങള് വില്ക്കുന്നവര്ക്കെതിരെ കര്ശന നടപടികള് സ്വീകരിക്കാന് ഭക്ഷ്യ സുരക്ഷാ വകുപ്പിന് നിര്ദേശം നല്കിയതായി മന്ത്രി കെ കെ ശൈലജ അറിയിച്ചു. ശീതള പാനീയങ്ങളില് ഉപയോഗിക്കുന്ന ഐസാണ് ആരോഗ്യത്തെ ഗുരുതരമായി ബാധിക്കുന്നത്. ശുദ്ധജലം ഉപയോഗിച്ച് മാത്രമേ ഐസ് ഉണ്ടാക്കാന് പാടുള്ളൂ എന്ന് കര്ശന നിര്ദേശം നല്കിയിട്ടുണ്ടെന്നും ഇത് ഉറപ്പു വരുത്താനായി പ്രത്യേക സ്ക്വാഡിനേയും നിയോഗിച്ചിട്ടുണ്ടെന്നും മന്ത്രി പറഞ്ഞു. കേരളത്തിന്റെ ചില ഭാഗങ്ങളില് നിന്നും മഞ്ഞപ്പിത്തം പോലെയുള്ള രോഗങ്ങള് റിപ്പോര്ട്ട് ചെയ്തതിനെ തുടര്ന്ന് ആരോഗ്യ വകുപ്പിന്റെ കൂടി റിപ്പോര്ട്ടിന്റെ അടിസ്ഥാനത്തിലാണ് തീരുമാനം കൈക്കൊണ്ടതെന്നും മന്ത്രി പറഞ്ഞു.
പാതയോരത്ത് സുലഭമായി ലഭിക്കുന്ന കുപ്പിവെള്ളം, നാരങ്ങ വെള്ളം, സംഭാരം, തണ്ണിമത്തന് ജ്യൂസ്, കരിമ്പിന് ജ്യൂസ്, സര്ബത്ത്, കുലുക്കി സര്ബത്ത് തുടങ്ങിയവ പഴവര്ഗങ്ങള് ശുചിയാക്കുന്നതിന് മുമ്പേ തയ്യാറാക്കുന്നുതായി പരാതിയുണ്ടെന്നും മന്ത്രി പറഞ്ഞു.
Discussion about this post