തിരുവനന്തപുരം: ശ്രീരാമദാസമിഷന്‍ യൂണിവേഴ്‌സല്‍ സൊസൈറ്റിയുടെയും ചേങ്കോട്ടുകോണം ശ്രീരാമദാസ ആശ്രമത്തിന്റെയും സംയുക്താഭിമുഖ്യത്തില്‍ നടക്കുന്ന ശ്രീരാമനവമി മഹോത്സവത്തിന്റെ ഭാഗമായി ശ്രീരാമനവമി ദിനത്തില്‍ പാദുക സമര്‍പ്പണ ശോഭായാത്ര നടക്കും. കിഴക്കേകോട്ട അഭേദാശ്രമത്തില്‍ നിന്നും വൈകുന്നേരം 5ന് ശ്രീരാമനവമി സമ്മേളനം ശ്രീരാമനവമി രഥയാത്ര സംസ്ഥാന കോ-ഓര്‍ഡിനേറ്റര്‍ ബ്രഹ്മചാരി അരുണ്‍ ഉദ്ഘാടനം ചെയ്യും. എസ്.ആര്‍.ഡി.എം.യു.എസ് പ്രസിഡന്റ് എസ്.കിഷോര്‍കുമാര്‍ അദ്ധ്യക്ഷത വഹിക്കുന്ന സമ്മേളനത്തില്‍ ഡോ.പൂജപ്പുര കൃഷ്ണന്‍നായര്‍, പാപ്പനംകോട് അനില്‍കുമാര്‍ തുടങ്ങിയവര്‍ സംസാരിക്കും. സമ്മേളനാനന്തരം പാളയം ശ്രീഹനുമത് സ്വാമിക്ഷേത്രത്തിലേക്ക് പാദുകസമര്‍പ്പണ ശോഭായാത്ര നടക്കും. പാദുകസമര്‍പ്പണ ശോഭായാത്രയെ ശ്രീരാമരഥം അനുഗമിക്കും. തുടര്‍ന്ന് രഥഘോഷയാത്രയ്ക്ക് ശ്രീകാര്യത്തും ചെമ്പഴന്തിയിലും അണിയൂരും സ്വീകരണത്തിനുശേഷം ചേങ്കോട്ടുകോണം ശ്രീരാമദാസ ആശ്രമത്തിലെത്തും. രാത്രി 11ന് ചപ്രങ്ങളില്‍ അഭിഷേകം നടക്കും.
ശ്രീരാമനവമി ദിനത്തില്‍ പാദുകസമര്‍പ്പണ ശോഭായാത്ര
പുതിയ വാർത്തകൾ
Discussion about this post