തിരുവനന്തപുരം: ശ്രീരാമനവമി ആഘോഷങ്ങളുടെ ഭാഗമായി ഹനുമദ് ജയന്തിയും ജ്യോതിക്ഷേത്രത്തില് ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ വിഗ്രഹപ്രതിഷ്ഠയുടെ പത്താം വാര്ഷികദിനവുമായ ഏപ്രില് 19ന് ചേങ്കോട്ടുകോണം ശ്രീരാമദാസ ആശ്രമത്തില് രാവിലെ 8ന് ശിവസഹസ്രനാമ അര്ച്ചനയും സുഗ്രീവ പട്ടാഭിഷേകവും 10ന് ജ്യോതിക്ഷേത്രത്തില് വിശേഷാല് പൂജകളും നടക്കും. 11ന് നാഗരൂട്ട്, വൈകുന്നേരം 3.30ന് മഹാലക്ഷ്മീ പൂജ.
വൈകുന്നേരം 6.30ന് ശ്രീ സത്യാനന്ദഗുരുസമീക്ഷ തിരുമല മാധവസ്വാമി ആശ്രമം പ്രസിഡന്റ് ശ്രീ മാധവസ്വാമി ആശ്രമം ജനാര്ദ്ദനന്പിള്ള ഉദ്ഘാടനം ചെയ്യും. കോ-ഓപ്പറേറ്റീവ് സൊസൈറ്റീസ് മുന് ഡെപ്യൂട്ടി രജിസ്ട്രാര് പട്ടം പരമേശ്വരന് നായര് അദ്ധ്യക്ഷത വഹിക്കുന്ന സമ്മേളനത്തില് മാധ്യമപ്രവര്ത്തകന് കെ.ശശിധരന് ‘സ്വാമിജിയും കേരള നവോത്ഥാനവും’ എന്ന പ്രബന്ധം അവതരിപ്പിക്കും. മട്ടാഞ്ചേരി ശ്രീരാമദാസ ആശ്രമത്തിലെ ബ്രഹ്മചാരി ശ്രീഹരി ‘സ്വാമിജിയുടെ ശ്രീരാമായണദര്ശനം’ എന്ന പ്രബന്ധം അവതരിപ്പിക്കും. എസ്.ആര്.ഡി.എം.യു.എസ് സംസ്ഥാന ട്രഷറര് കെ.രവീന്ദ്രന് കണ്ണൂര്, പാപ്പനംകോട് അനില്കുമാര് തുടങ്ങിയവര് സംസാരിക്കും.
Discussion about this post