ന്യൂഡല്‍ഹി: ഇറാന്‍ പിടിച്ചെടുത്ത കപ്പലിലുണ്ടായിരുന്ന 12 ഇന്ത്യക്കാരില്‍ ഒന്പതു പേരെ വിട്ടയച്ചു. ആദ്യം പിടിച്ചെടുത്ത എംടി റിയ എന്ന കപ്പലിലെ ജീവനക്കാരെയാണു വിട്ടയച്ചത്. യുഎഇ കന്പനിക്കായി സര്‍വീസ് നടത്തുന്ന പനാമയുടെ പതാകയുള്ള എണ്ണക്കപ്പലാണിത്. എണ്ണക്കടത്ത് ആരോപിച്ചാണ് എംടി റിയ ഇറാന്‍ പിടിച്ചെടുത്തത്. യുഎഇ കേന്ദ്രീകരിച്ചു പ്രവര്‍ത്തിക്കുന്ന കെആര്‍ബി പെട്രോകെമിക്കല്‍സ് എന്ന കന്പനി വാടകയ്‌ക്കെടുത്തതാണ് ഈ കപ്പല്‍. കപ്പലിലെ ക്യാപ്റ്റന്‍ ഉള്‍പ്പെടെ മൂന്നു പേരെ വിട്ടയച്ചിട്ടില്ല. കഴിഞ്ഞ ആഴ്ച ഇറാന്‍ പിടിച്ചെടുത്ത ബ്രിട്ടീഷ് കപ്പലായ സ്റ്റെന ഇംപേരോയിലെ 18 ജീവനക്കാര്‍ ഉള്‍പ്പെടെ 21 ഇന്ത്യക്കാര്‍ ഇപ്പോള്‍ ഇറാനിലുണ്ട്.
ജിബ്രാള്‍ട്ടര്‍ പോലീസ് പിടിച്ചെടുത്ത ഗ്രേസ് 1 എന്ന കപ്പലില്‍ 24 ഇന്ത്യന്‍ ജീവനക്കാരുണ്ട്. ഇവരുമായി ഇന്ത്യന്‍ ഹൈക്കമ്മീഷന്‍ അംഗങ്ങള്‍ കൂടിക്കാഴ്ച നടത്തിയിരുന്നു.
Discussion about this post