മലപ്പുറം: കഴിഞ്ഞ വര്ഷത്തെ പോലെ ഈ വര്ഷമുണ്ടായ ദുരന്തത്തെയും ഒരുമിച്ചു അതിജീവിക്കുമെന്നു മുഖ്യമന്ത്രി പിണറായി വിജയന്. നിലമ്പൂരില് കാലവര്ഷ ക്കെടുതി നേരിട്ടവരെ മാറ്റിപ്പാര്പ്പിച്ച ഭൂദാനം ചര്ച്ചിലെ ദുരിതാശ്വാസ ക്യാമ്പിലെത്തി സംസാരിക്കുകയായിരുന്നു മുഖ്യമന്ത്രി.
കഴിഞ്ഞ മഹാപ്രളയത്തില് നാം കാണിച്ച ഒരുമ രാജ്യവും ലോകവും അംഗീകരിച്ചതാണ്. അതു തന്നെയാണ് ഇത്തരം ആപദ് ഘട്ടങ്ങളെ അതിജീവിക്കാന് നമുക്ക് കഴിയുമെന്ന പ്രതീക്ഷ നല്കുന്നതുമെന്നു മുഖ്യമന്ത്രി പറഞ്ഞു. ക്യാമ്പിലെ താമസക്കാരോട് സുഖവിവരങ്ങള് അന്വേഷിച്ച മുഖ്യമന്ത്രി പുനരധിവാസമുള്പ്പെടെയുള്ള കാര്യങ്ങളില് വേണ്ടത് ചെയ്യാമെന്ന ഉറപ്പു നല്കിയാണ് മടങ്ങിയത്.
Discussion about this post