ലക്നോ: അയോധ്യ തര്ക്കമന്ദിരം സംബന്ധിച്ച കേസില് സിബിഐ പ്രത്യേക കോടതി മുതിര്ന്ന ബിജെപി നേതാവ് കല്യാണ് സിംഗിന് സമന്സ് അയച്ചു. ഈ മാസം 27 ന് ഹാജരാകണമെന്ന് ആവശ്യപ്പെട്ടാണ് ഉത്തര്പ്രദേശ് മുന് മുഖ്യമന്ത്രിയായ കല്യാണ് സിംഗിന് സമന്സ് അയച്ചിരിക്കുന്നത്. ബിജെപി നേതാക്കളായ എല്.കെ അഡ്വാനി, ഉമാഭാരതി, മുരളി മനോഹര് ജോഷി തുടങ്ങിയ നേതാക്കള് ഉള്പ്പെട പ്രതികളെ കേസില് കോടതി വിചാരണ ചെയ്തുവരികയാണ്. രാജസ്ഥാന് ഗവര്ണറായുള്ള കാലാവധി അവസാനിച്ചതിനു പിന്നാലെയാണ് കല്യാണ് സിംഗിന് സമന്സ് അയച്ചിരിക്കുന്നത്. ഗവര്ണര് പദവിയിലിരിക്കുമ്പോള് വിചാരണയില് നിന്ന് കല്യാണ് സിംഗിന് ഭരണഘടനാപരമായ പരിരക്ഷ ഉണ്ടായിരുന്നു. ഗവര്ണര് കാലാവധി അവസാനിച്ചതോടെ വീണ്ടും അദ്ദേഹം രാഷ്ട്രയത്തില് സജീവമായിട്ടുണ്ട്.
Discussion about this post