ന്യൂഡല്ഹി: എസ്എന്സി ലാവ്ലിന് കേസ് പരിഗണിക്കുന്നത് സുപ്രീം കോടതി രണ്ടാഴ്ചത്തേക്കാണ് മാറ്റിവച്ചു. ജസ്റ്റിസ് എന്.വി. രമണ അധ്യക്ഷനായ മൂന്നംഗ ബെഞ്ചാണ് ഇന്ന് കേസ് പരിഗണിച്ചത്. കേസില് പിണറായി വിജയനെ കുറ്റവിമുക്തനാക്കിയ ഹൈക്കോടതി വിധിക്കെതിരായി സിബിഐയാണ് സുപ്രീം കോടതിയെ സമീപിച്ചത്. കേസ് മാറ്റിവയ്ക്കുന്നതില് എതിര്പ്പില്ലെന്ന് സിബിഐ അഭിഭാഷകന് അറിയിച്ചു. കേസില് വ്യക്തികളെ കക്ഷിചേര്ക്കാന് അനുവദിക്കരുതെന്ന് പിണറായിയുടെ അഭിഭാഷകന് ആവശ്യപ്പെട്ടു. ക്രൈം നന്ദകുമാറിന്റെ അപേക്ഷയാണ് എതിര്ത്തത്. പിണറായി വിജയന്, മുന് ഊര്ജസെക്രട്ടറി കെ. മോഹനചന്ദ്രന്, ജോയിന്റ് സെക്രട്ടറി എ. ഫ്രാന്സിസ് എന്നിവരെ കുറ്റവിമുക്തരാക്കിയ ഹൈക്കോടതി വിധിക്കെതിരെയാണ് സിബിഐ സുപ്രീം കോടതിയെ സമീച്ചത്. പ്രതിപ്പട്ടികയിലുള്ള എല്ലാവരേയും വിചാരണ ചെയ്യണമെന്നാണ് സിബിഐ ആവശ്യപ്പെടുന്നത്. പിണറായി വിജയന് അഴിമതിക്കുള്ള ഗൂഡാലോചനയില് പങ്കാളിയാണെന്നും ഇതിന് കൃത്യമായ തെളിവുണ്ടെന്നും സിബിഐ ആരോപിക്കുന്നു. കുറ്റപത്രത്തില് നിന്ന് പിണറായി ഉള്പ്പടെയുള്ള പ്രതികളെ ഹൈക്കോടതി ഒഴിവാക്കിയത് വസ്തുതകള് പരിശോധിക്കാതെയാണെന്നും വിധി റദ്ദാക്കണമെന്നും സിബിഐ ആവശ്യപ്പെടുന്നു.
Discussion about this post