തിരുവനന്തപുരം; കുട്ടികളുടെ നഗ്ന ചിത്രങ്ങള് സാമൂഹ്യമാദ്ധ്യമങ്ങളില് പ്രചരിപ്പിച്ച 12 പേരെ പോലീസ് അറസ്റ്റ് ചെയ്തു.”ഓപ്പറേഷന് പി ഹണ്ട്” എന്ന പേരില് പലയിടങ്ങളിലായി നടത്തിയ പരിശോധനയിലാണ് പ്രായപൂര്ത്തിയാവാത്ത ഒരാള് ഉള്പ്പെടെ പന്ത്രണ്ട് പേര് അറസ്റ്റിലായത്.
കുട്ടികളുടെ നഗ്ന ചിത്രങ്ങള് പ്രചരിപ്പിക്കുന്നവരെയും തിരയുന്നവരെയും കണ്ടെത്താന് സംസ്ഥാന വ്യാപകമായി പോലീസ് പരിശോധന നടത്തുന്നുണ്ട്. ഇത്തരം ചിത്രങ്ങള് പ്രചരിപ്പിക്കുന്നവരെ കണ്ടെത്താന് മൂന്നാം തവണയാണ് പോലീസ് പരിശോധന നടത്തുന്നത്. നേരത്തെ നടന്ന പരിശോധനകളില് 26 പേര് അറസ്റ്റിലാവുകയും 37 പേര്ക്കെതിരെ കേസെടുക്കുകയും ചെയ്തിരുന്നു. അന്വേഷണത്തില് കുട്ടികളുടെ നഗ്ന ചിത്രങ്ങള് പ്രചരിപ്പിക്കുന്ന വാട്സാപ്പ് ഗ്രൂപ്പുകളും പോലീസ് കണ്ടെത്തിയിട്ടുണ്ട്.
കുട്ടികളുടെ നഗ്ന ചിത്രങ്ങല് കാണുകയോ ശേഖരിക്കുകയോ വിതരണം ചെയ്യുകയോ ചെയ്യുന്നത് അഞ്ച് വര്ഷം തടവും പത്ത് ലക്ഷം രൂപ പിഴയും ലഭിക്കാവുന്ന കുറ്റമാണെന്ന് പോലീസ് അറിയിച്ചു.
Discussion about this post