തിരുവനന്തപുരം: മാര്ക്ക്ദാന വിവാദത്തില് മന്ത്രി കെ.ടി.ജലീലിന്റെ രാജി ആവശ്യപ്പെട്ടുള്ള കെ.എസ്.യു മാര്ച്ചില് സംഘര്ഷം. സെക്രട്ടറിയേറ്റിലേക്ക് നടന്ന മാര്ച്ചാണ് സംഘര്ഷത്തില് കലാശിച്ചത്. ഇതേത്തുടര്ന്നു പ്രവര്ത്തകരെ പിരിച്ചുവിടാന് പോലീസ് രണ്ടിലേറെ തവണ ജലപീരങ്കി പ്രയോഗിച്ചു. പിഎസ്സിയിലെ പരീക്ഷാ ക്രമക്കേട്, എംജി സര്വകലാശാലയിലെ മാര്ക്ക്ദാന വിവാദം എന്നിവയില് അന്വേഷണം വേണമെന്നും ആവശ്യമുന്നയിച്ചായിരുന്നു മാര്ച്ച്. സര്ക്കാര് ഗേറ്റ് മറികടന്ന് മുന്നേറാനുള്ള പ്രവര്ത്തകരുടെ ശ്രമം പോലീസ് തടഞ്ഞതോടെ സംഘര്ഷമുണ്ടാകുകയായിരുന്നു. പ്രതിഷേധത്തിനിടെ ഒരു വിദ്യാര്ഥിനിക്ക് പരിക്കേറ്റു. പോലീസ് അക്രമത്തില് പ്രതിഷേധിച്ച് വിദ്യാര്ത്ഥികള് ഒരു മണിക്കൂറിലേറെ സെക്രട്ടേറിയേറ്റിന് മുന്നില് മുദ്രാവാക്യങ്ങളുയര്ത്തി. വിദ്യാര്ഥികളെ പോലീസ് അറസ്റ്റ് ചെയ്തു നീക്കി.
കെ.എസ്.യു സെക്രട്ടേറിയറ്റ് മാര്ച്ചില് സംഘര്ഷം
പുതിയ വാർത്തകൾ
Discussion about this post