തിരുവനന്തപുരം: 21നു ഉപതിരഞ്ഞെടുപ്പു നടക്കുന്ന അഞ്ചു നിയമസഭാ മണ്ഡലങ്ങളിലെ പ്രചാരണത്തിന് ആവേശകരമായ കലാശക്കൊട്ട്. നാളെ നിശബ്ദ പ്രചാരണം. തിങ്കളാഴ്ച വിധിയെഴുത്ത്.
വട്ടിയൂര്ക്കാവ്, അരൂര്, കോന്നി, എറണാകുളം, മഞ്ചേശ്വരം എന്നി നിയമസഭാ മണ്ഡലങ്ങളിലാണ് ഉപതിരഞ്ഞെടുപ്പ് നടക്കുന്നത്. വരാന് പോകുന്ന തദ്ദേശസ്വയംഭരണ തിരഞ്ഞെടുപ്പിനു മുമ്പായി നടക്കുന്ന ഉപതിരഞ്ഞെടുപ്പില് സീറ്റുകള് നേടുക എന്നത് മൂന്നു മുന്നണികള്ക്കും പ്രധാനപ്പെട്ടതാണ്. ഉപതിരഞ്ഞെടുപ്പു നടക്കുന്ന അഞ്ചു മണ്ഡലങ്ങളില് നാലെണ്ണവും യു.ഡി.എഫിന്റെ മണ്ഡലങ്ങളാണ്്. അരൂര് എല്.ഡി.എഫിന്റെയും. നിലവിലുള്ള നാലെണ്ണവും നിലനിര്ത്തുന്നതിനൊപ്പം ആരൂര് പിടിച്ചെടുക്കാനുമുള്ള പ്രവര്ത്തനങ്ങളാണ് യു.ഡി.എഫ് നടത്തുന്നത്. പാലാ ഉപതിരഞ്ഞെടുപ്പില് വിജയിക്കാനായതിന്റെ ആത്മവിശ്വാസത്തോടെയാണ് എല്.ഡി.എഫ് ഉപതിരഞ്ഞെടുപ്പിനെ നേരിടുന്നത്. സര്ക്കാരിന്റെ വിലയിരുത്തലായി ഉപതിരഞ്ഞെടുപ്പ് മാറുമെന്നതിനാല് വിശ്രമമില്ലാത്ത പ്രവര്ത്തനമാണ് ഇടതുമുന്നണി നടത്തുന്നത്. ബി.ജെ.പിയുടെ ശക്തി കേന്ദ്രമാണ് വട്ടിയൂര്ക്കാവും കാസര്ഗോഡും. കഴിഞ്ഞ നിയമസഭാ തെരഞ്ഞെടുപ്പില് കുമ്മനം രാജശേഖരന് രണ്ടാം സ്ഥാനത്തെത്തിയ മണ്ഡലമാണ് വട്ടിയൂര്ക്കാവ്. വാശിയേറിയ പ്രചാരണത്തിനാണ് മണ്ഡലം സാക്ഷ്യം വഹിച്ചത്.
24നാണ് വോട്ടെണ്ണല് നടക്കുന്നത്.
Discussion about this post