വയനാട്: വയനാട് സുല്ത്താന് ബത്തേരിയില് ക്ലാസ് മുറിയില് അഞ്ചാംക്ലാസുകാരി ഷഹല പാമ്പു കടിയേറ്റ് മരിച്ച സംഭവത്തില് തിരുത്തല് നടപടികളും അച്ചടക്ക നടപടികളും തുടങ്ങി. ജില്ലാ ജഡ്ജിയും ജില്ലാ ലീഗല് സര്വീസ് അതോറിറ്റി ചെയര്പേഴ്സണും ബത്തേരി സര്വജന സ്കൂളിലെത്തി സാഹചര്യങ്ങള് വിലയിരുത്തി. ഹൈക്കോടതി ജഡ്ജി നേരിട്ട് വിളിച്ചിരുന്നു എന്നും സ്കൂളിലെത്തി പരിശോധന നടത്തിയതിന്റെ വിശദമായ റിപ്പോര്ട്ട് നല്കുമെന്നും ജില്ലാ ജഡ്ജി എ ഹാരിസ് പറഞ്ഞു. സംഭവത്തില് അസാധാരണ നടപടിയാണ് ഹൈക്കോടതിയുടെ ഭാഗത്തു നിന്നും ഉണ്ടായത്.
കേരളം ഏറ്റെടുത്ത വിഷയമാണ് സഹലയുടെ മരണം. വീഴ്ച വരുത്തിയവര്ക്കെതിരെ കര്ശന നടപടിയാണ് വേണ്ടത്. ഈ ദുരവസ്ഥ ഇവിടം കൊണ്ട് അവസാനിക്കണം. അതിനുള്ള നടപടികള് ഉണ്ടാകുമെന്നും ജില്ലാ ജഡ്ജി എ ഹാരിസ് പറഞ്ഞു. കേവലം ഒരു പരിശോധനയില് കാര്യം ഒതുക്കാതെ ബന്ധപ്പെട്ട എല്ലാ ഉദ്യോഗസ്ഥരുടെയും യോഗം വിളിച്ച് സമഗ്രമായ റിപ്പോര്ട്ടും അതില് നടപടിയും ഉണ്ടാകുമെന്നാണ് ജില്ലാ ജഡ്ജി പറഞ്ഞു. ദയനീയ സാഹചര്യമാണ് സ്കൂളിലെന്ന് വിലയിരുത്തിയ ജില്ലാ ജഡ്ജി പ്രധാന അധ്യാപകന് അടക്കം അധ്യാപകര്ക്കുണ്ടായ വീഴ്ചയെ പ്രത്യേകം എടുത്തു പറയുകയും ചെയ്തു.
അതിനിടെ വിദ്യാര്ത്ഥിനിയുടെ മരണത്തെ തുടര്ന്ന് പ്രതിഷേധവും ശക്തമാകുകയാണ്. സ്കൂള് അധികൃതരുടെ ഭാഗത്ത് നിന്നുണ്ടായ വീഴ്ചക്കെതിരെ വിദ്യാര്ത്ഥികളുടെ പ്രതിഷേധ മാര്ച്ചും നടക്കുകയാണ്. സ്കൂളിലടക്കം അടിസ്ഥാന സൗകര്യങ്ങള് വേണമെന്നും മതിയായ ചികിത്സാ സൗകര്യങ്ങള് വേണമെന്നും ആവശ്യപ്പെട്ടാണ് വിദ്യാര്ത്ഥികളുടെ പ്രതിഷേധം.
Discussion about this post