ന്യൂഡല്‍ഹി: നൂറ്റിമുപ്പത് കോടി ഭാരതീയരുടെ സുരക്ഷാ കവചമാണ് ഭരണഘടനയെന്ന് പ്രധാനമന്ത്രി നരേന്ദ്ര മോദി. ഭരണഘടനയുടെ എഴുപതാം വാര്‍ഷികാഘോഷവേളയില്‍ പാര്‍ലമെന്റ് സംയുക്ത സമ്മേളനത്തില്‍ സംസാരിക്കുകയായിരുന്നു അദ്ദേഹം. രാഷ്ട്രപതി രാംനാഥ് കോവിന്ദും ഉപരാഷ്ട്രപതി വെങ്കയ്യ നായിഡുവും സംയുക്ത സമ്മേളനത്തെ അഭിസംബോധന ചെയ്തു.
ഇന്ത്യന്‍ ഭരണ ഘടനയുടെ എഴുപതാം വാര്‍ഷിക ആഘോഷങ്ങളുടെ ഭാഗമായാണ് പാര്‍ലമെന്റിന്റെ സെന്‍ട്രല്‍ ഹാളില്‍ പ്രത്യേക സമ്മേളനം ചേര്‍ന്നത്.
ഭരണ ഘടനാ ശില്പി ഡോ ബിആര്‍ അംബേദ്കറിന് ആദരവ് അര്‍പ്പിച്ച് തുടങ്ങിയ സമ്മേളനത്തില്‍ പൗരന്‍മാരുടെ അവകാശങ്ങളും ചുമതലയും ഉയര്‍ത്തിക്കാട്ടുന്നതാണ് ഇന്ത്യന്‍ ഭരണഘടനയെന്ന് പ്രധാനമന്ത്രി നരേന്ദ്ര മോദി പറഞ്ഞു. കൂടാതെ നമ്മുടെ ഉത്തരവാദിത്വം നിറവേറ്റാതെ അവകാശങ്ങള്‍ സംരക്ഷിക്കാനാവില്ലെന്നും പ്രധാനമന്ത്രി വ്യക്തമാക്കി
അതെ സമയം ഭരണഘടനാ ദിനാഘോഷം ബഹിഷ്‌കരിക്കുന്ന നടപടിയാണ് കോണ്‍ഗ്രസ്സ് , എന്‍സിപി തുടങ്ങിയ പ്രതിപക്ഷ അംഗങ്ങള്‍ സ്വീകരിച്ചത് . ആഘോഷം ബഹിഷ്‌കരിച്ച പ്രതിപക്ഷ അംഗങ്ങള്‍ പാര്‍ലമെന്റിന് പുറത്ത് പ്രതിഷേധം നടത്തി .
Discussion about this post