കോയമ്പത്തൂര്: കെഎസ്ആര്ടി ബസും കണ്ടെയ്നര് ലോറിയും തമ്മില് കൂട്ടി ഇടിച്ചുണ്ടായ അപകടത്തില് മരിച്ചവരുടെ കുടുംബത്തിന് ധനസഹായം പ്രഖ്യാപിച്ച് സര്ക്കാര്. പത്ത് ലക്ഷം രൂപ ധനസഹായം നല്കാനാണ് സര്ക്കാര് ധാരണയായതെന്ന് ഗതാഗതമന്ത്രി എകെ ശശീന്ദ്രന് പറഞ്ഞു.
അടിയന്തരമായി രണ്ട് ലക്ഷം രൂപ ഒരാഴ്ചയ്ക്കകം തന്നെ നല്കും. ബാക്കി തുക ഒരു മാസത്തിനകം കുടുംബാംഗങ്ങള്ക്ക് ലഭ്യമാക്കുമെന്നും മന്ത്രി പറഞ്ഞു. നടപടി ക്രമങ്ങള് തടസ്സമാവാത്ത വിധത്തില് പണം കൈമാറാനാണ് തീരുമാനം.
അപകടത്തില് മരിച്ച കെ എസ്ആര്ടിസി ജീവനക്കാരുടെ കുടുംബത്തിന് മുപ്പത് ലക്ഷം രൂപ നല്കുമെന്നും ഗതാഗതമന്ത്രി പറഞ്ഞു. ഇന്ഷുറന്സ് ഇനത്തില് കൂടിയാണ് തുക ലഭ്യമാക്കുന്നത്. പരിക്കേറ്റ് ചികിത്സയില് കഴിയുന്ന മലയാളികളുടെ ചികിത്സാ സഹായവും സര്ക്കാര് നല്കും.
Discussion about this post