അഹമ്മദാബാദ് : ഇന്ത്യ മനുഷ്യത്വത്തിന്റെ പ്രതീക്ഷയാണെന്ന് അമേരിക്കന്‍ പ്രസിഡന്റ് ഡോണാള്‍ഡ് ട്രംപ്. നൂറിലധികം ഭാഷകളും രണ്ട് ഡസനിലധികം സംസ്ഥാനങ്ങളുമുള്ള വൈവിദ്ധ്യം നിറഢഞ്ഞ മനോഹരമായ രാഷ്ട്രമാണ് ഇന്ത്യയെന്നും അഹമ്മദാബാദ് മൊട്ടേര സ്റ്റേഡിയത്തില്‍ നിറഞ്ഞ് കവിഞ്ഞ ജനലക്ഷങ്ങളെ സാക്ഷിയാക്കി ട്രംപ് പറഞ്ഞു.
നരേന്ദ്രമോദി ഗുജറാത്തിന്റെ മാത്രമല്ല രാജ്യത്തിന്റെ യശസ്സുയര്‍ത്തിയ പ്രധാനമന്ത്രിയാണ്. കഠിന പ്രയത്‌നവും നിശ്ചയദാര്‍ഢ്യവും കൊണ്ട് ഒരാള്‍ക്ക് എവിടം വരെയെത്താമെന്ന് കാണിച്ചു തന്നയാളാണ് ഇന്ത്യന്‍ പ്രധാനമന്ത്രി. അത്ഭുതകരമായ ഉയര്‍ച്ചയുടെ ഉദാഹരണമാണ് അദ്ദേഹമെന്നും ട്രംപ് പറഞ്ഞു.
സ്വാമി വിവേകാനന്ദനെപ്പോലുള്ള സന്യാസിശ്രേഷ്ഠന്‍മാരുടെ നാടാണ് ഇന്ത്യ. ലോകത്തെ വിനോദിപ്പിക്കുന്ന ബോളിവുഡ് സിനിമകളുടേയും പ്രതിഭകളായ ക്രിക്കറ്റ് താരങ്ങളുടേയും നാടാണിതെന്നും ട്രംപ് പറഞ്ഞു. സച്ചിന്‍ ടെണ്ടുല്‍ക്കര്‍ , വിരാട് കോഹ്ലി എന്നിവരുടെ പേരുകളും ട്രംപ് എടുത്തു പറഞ്ഞു. ബോളിവുഡ് സിനിമകളായ ദില്‍വാലെ ദുല്‍ഹാനിയെ ലെ ജായേംഗേ, ഷോലെ എന്നീ സിനിമകളുടെ പേരും ട്രംപ് പരാമര്‍ശിച്ചു.
Discussion about this post