തിരുവനന്തപുരം: ബി.എസ്. 4 വാഹനങ്ങളുടെ രജിസ്ട്രേഷന് മാര്ച്ച് 31ഓടുകൂടി പൂര്ത്തിയാക്കേണ്ടതിനാല് നേരിട്ടുളള പരിശോധന കൂടാതെ എല്ലാ സ്വകാര്യ വാഹനങ്ങള്ക്കും താത്കാലിക രജിസ്ട്രേഷന് എടുക്കുന്ന ദിവസം തന്നെ സ്ഥിരം രജിസ്ട്രേഷനും നല്കണമെന്ന് ആര്.ടി.ഒ/ജോയിന്റ് ആര്.ടി.ഒ മാര്ക്കും ട്രാന്സ്പോര്ട്ട് കമ്മീഷണര് നിര്ദ്ദേശം നല്കി. ഇങ്ങനെ രജിസ്ട്രേഷന് ലഭിച്ച വാഹനങ്ങള് പരിശോധനയ്ക്ക് ഹാജരാക്കേണ്ടതില്ല.
ട്രാന്സ്പോര്ട്ട് വാഹനങ്ങളില് ചില സാഹചര്യങ്ങളില് മാറ്റങ്ങള് വരുത്തിയതായി ശ്രദ്ധയില്പ്പെട്ടാല് ഇത്തരം വാഹനങ്ങള് സ്ഥിരം രജിസ്ട്രേഷനുശേഷം നോട്ടീസ് നല്കി ഉടമസ്ഥരുടെ സൗകര്യാര്ത്ഥം പരിശോധനയ്ക്ക് ഹാജരാക്കിയാല് മതി. കോവിഡ് 19ന്റെ നിയന്ത്രണങ്ങള് നിലനില്ക്കുന്നതിനാല് കഴിയുന്നതും സാമൂഹിക അകല്ച്ച പാലിക്കേണ്ടതുകൊണ്ടാണ് വാഹന പരിശോധന ഒഴിവാക്കിയത്.
നിര്ദ്ദേശത്തിനു വിരുദ്ധമായി ഏതെങ്കിലും സ്വകാര്യ വാഹനങ്ങള് പരിശോധനയ്ക്കായി ഹാജരാക്കാന് ആവശ്യപ്പെട്ടാല് അത് ശ്രദ്ധയില്പ്പെടുത്തണമെന്ന് ട്രാന്സ്പോര്ട് കമ്മീഷണര് അറിയിച്ചു.
Discussion about this post