കണ്ണൂര് : നാരങ്ങാവെള്ളം കൊറോണ വൈറസ് ബാധയെ തടയുമെന്ന് ഡോക്ടറുടെ പേരില് വ്യാജ സന്ദേശം പ്രചരിപ്പിച്ചവര്ക്കെതിരെ പോലീസ് കേസ് എടുത്തു. ഡോ. എസ്എം അഷറിഫിന്റെ പരാതിയിലാണ് പോലീസ് കേസ് എടുത്തത്. കണ്ണൂര് പരിയാരം മെഡിക്കല് കോളേജിലെ ഹൃദ്രോഗ വിഭാഗം മേധാവി ഡോ. എസ് എം അഷ്റഫ്
രണ്ടാം ലോക മഹായുദ്ധ കാലത്ത് ജര്മ്മനി പരീക്ഷിച്ച് വിജയിച്ച മാര്ഗ്ഗമാണ് നാരങ്ങവെള്ളം. പിന്നീട് മരുന്നു കമ്പനികള് ലാഭത്തിനായി ഇതിന്റെ പ്രചാരണം തടഞ്ഞുവെച്ചെന്നുമാണ് വ്യാജ ശബ്ദസന്ദേശത്തില് പറയുന്നത്. പരിയാരം മെഡിക്കല് കോളേജിലെ കാര്ഡിയോളജിസ്റ്റായ ഡോ. അഷ്റഫിന്റെ വാക്കുകള് കേള്ക്കൂ എന്ന കുറിപ്പോടെയാണ് ഈ വ്യാജ സന്ദേശം സമൂഹമാധ്യമങ്ങളില് പ്രചരിക്കുന്നത്.
സന്ദേശം ശ്രദ്ധയില്പ്പെട്ടതിനെ തുടര്ന്ന് അഷ്റഫ് പോലീസില് പരാതി നല്കി . സൈബര് സെല്ലിന്റെ സഹായത്തോടെ അന്വേഷണം ഊര്ജ്ജിതമാക്കിയെന്ന് പരിയാരം പൊലീസ് അറിയിച്ചു
അതേസമയം കൊറോണ വൈറസ് ബാധയുമായി ബന്ധപ്പെട്ട് വ്യാജ വാര്ത്തകളും സന്ദേശങ്ങളും പ്രചരിപ്പിക്കുന്നവര്ക്കെതിരെ കര്ശന നടപടി സ്വീകരിക്കുമെന്ന് സംസ്ഥാന പോലീസ് മേധാവി വ്യക്തമാക്കിയിട്ടുണ്ട്.
Discussion about this post